Scan to download the app 
ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಮಂಡಳಿಯ ಪಿಯುಸಿಯಲ್ಲಿ ಲಭ್ಯವಿರುವ ವಿವಿಧ ಸಂಯೋಜನೆಗಳ ಮಾಹಿತಿ
August 19, 2022
Saas ಮೂಲಕ AI ನ ಅನ್ಲಾಕ್ ಮಾಡುವಿಕೆ
ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಪ್ರಥಮ ಪಿಯುಸಿ 2022-23: ಭೌತಶಾಸ್ತ್ರದ ಪ್ರಮುಖ ಟಾಪಿಕ್‌ಗಳು
ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಪ್ರಥಮ ಪಿಯುಸಿ 2022-23: ಪ್ರಥಮ ಪಿಯುಸಿ ಪಠ್ಯಕ್ರಮವನ್ನು KCET, NEET ಹಾಗೂ IIT-JEE ನಂತಹ ಪ್ರವೇಶ ಪರೀಕ್ಷೆಗಳಲ್ಲಿ ಬಳಸುವ ಕಾರಣ ವಿದ್ಯಾರ್ಥಿಗಳು ಉತ್ತಮ ರ್‍ಯಾಂಕ್‌ ಪಡೆಯಬೇಕಾದರೆ ವಿಜ್ಞಾನ ವಿಷಯಗಳನ್ನು ಆಮೂಲಾಗ್ರವಾಗಿ ಅಧ್ಯಯನ ಮಾಡಬೇಕು. ಪ್ರಥಮ ಪಿಯುಸಿ ಪರೀಕ್ಷೆಗೆ ಪಬ್ಲಿಕ್ ಪರೀಕ್ಷೆ ಇರುವುದಿಲ್ಲ, ಅಂಕಗಳನ್ನು ಪರಿಗಣಿಸಲಾಗುವುದಿಲ್ಲ ಎಂದು ಅಸಡ್ಡೆ ಮಾಡುವಂತಿಲ್ಲ. ದ್ವಿತೀಯ ಪಿಯುಸಿಯಲ್ಲಿ ಅತ್ಯುತ್ತಮ ಅಂಕಗಳನ್ನು ಗಳಿಸಬೇಕಾದರೆ ಪ್ರಥಮ ಪಿಯುಸಿ ನಿರ್ಣಾಯಕ ಪಾತ್ರ ವಹಿಸುತ್ತದೆ. ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ವಿದ್ಯಾರ್ಥಿಗಳು ಪ್ರಥಮ ಪಿಯುಸಿಯ ಎಲ್ಲ ಟಾಪಿಕ್‌ಗಳನ್ನು ಗಮನವಿಟ್ಟು ಅಭ್ಯಾಸ ಮಾಡಬೇಕು.
ಇಲ್ಲಿ ಭೌತಶಾಸ್ತ್ರಕ್ಕೆ ಸಂಬಂಧಿಸಿದಂತೆ ಪ್ರಮುಖ ಟಾಪಿಕ್‌ಗಳನ್ನು ನೀಡಲಾಗಿದೆ. ಆಯಾ ಟಾಪಿಕ್‌ನ ವೇಟೇಜ್(weightage) ಆಧಾರದ ಮೇಲೆ ಅದನ್ನು ಪ್ರಮುಖ ಟಾಪಿಕ್ ಎಂದು ಪರಿಗಣಿಸಲಾಗಿದೆ. ಹಾಗೆಂದು ಉಳಿದ ಟಾಪಿಕ್‌ಗಳು ಪ್ರಮುಖ ಅಲ್ಲ ಎಂಬ ನಿರ್ಧಾರಕ್ಕೆ ವಿದ್ಯಾರ್ಥಿಗಳು ಬರಬಾರದು. ಇಲ್ಲಿನ ಟಾಪಿಕ್‌ಗಳ ಕಡೆಗೆ ಹೆಚ್ಚಿನ ಒತ್ತು ನೀಡುವುದರ ಜೊತೆಗೆ ಉಳಿದ ಟಾಪಿಕ್‌ಗಳನ್ನೂ ಅಭ್ಯಾಸ ಮಾಡಬೇಕು. ಆಗಷ್ಟೇ ಪರಿಕಲ್ಪನೆಗಳು ಮತ್ತು ವಿಷಯಜ್ಞಾನವನ್ನು ವಿಸ್ತರಿಸಿಕೊಳ್ಳಲು ಸಾಧ್ಯವಾಗುತ್ತದೆ.
ಪ್ರಥಮ ಪಿಯುಸಿ ಪರೀಕ್ಷೆಯ ಸಾರಾಂಶ
| ಪರೀಕ್ಷೆ ನಡೆಸುವ ಇಲಾಖೆ | ಪದವಿ ಪೂರ್ವ ಶಿಕ್ಷಣ ಇಲಾಖೆ, ಕರ್ನಾಟಕ |
|---|---|
| ಪರೀಕ್ಷೆಯ ಹೆಸರು | ಕರ್ನಾಟಕ ಪದವಿ ಪೂರ್ವ ಪ್ರಮಾಣಪತ್ರ ಪರೀಕ್ಷೆ (PUC ಮಂಡಳಿ) |
| ದಿನಾಂಕ ಶೀಟ್ ಹೆಸರು | ಪದವಿಪೂರ್ವ ಮಂಡಳಿಯ 2022-23ನೇ ಸಾಲಿನ ಪ್ರಥಮ ಪಿಯುಸಿ ಪರೀಕ್ಷಾ ವೇಳಾಪಟ್ಟಿ |
| ವೇಳಾಪಟ್ಟಿ ಬಿಡುಗಡೆ ದಿನಾಂಕ | ಡಿಸೆಂಬರ್ 2022/ಜನವರಿ 2023 (ತಾತ್ಕಾಲಿಕ) |
| ಪ್ರಾಯೋಗಿಕ ಪರೀಕ್ಷೆಯ ದಿನಾಂಕ | ಜನವರಿ 2023 (ತಾತ್ಕಾಲಿಕ) |
| ಥಿಯರಿ ಪರೀಕ್ಷೆಯ ದಿನಾಂಕ | ಫೆಬ್ರವರಿ 2023 (ತಾತ್ಕಾಲಿಕ) |
| ಫಲಿತಾಂಶ ಪ್ರಕಟ | ಏಪ್ರಿಲ್‌ 2023 (ತಾತ್ಕಾಲಿಕ) |
ಪದವಿಪೂರ್ವ ಶಿಕ್ಷಣ ಇಲಾಖೆಯ ಅಧಿಕೃತ ವೆಬ್‌ಸೈಟ್ ಲಿಂಕ್
ಪ್ರಥಮ ಪಿಯುಸಿ 2022-23ನೇ ಸಾಲಿನ ಭೌತಶಾಸ್ತ್ರ ಪಠ್ಯಕ್ರಮದ ಪ್ರಮುಖ ಟಾಪಿಕ್‌ಗಳು
ಕರ್ನಾಟಕ ಪದವಿಪೂರ್ವ ಶಿಕ್ಷಣ ಇಲಾಖೆಯ 2022-23ನೇ ಶೈಕ್ಷಣಿಕ ಸಾಲಿನ ಪ್ರಥಮ ಪಿಯುಸಿ ಭೌತಶಾಸ್ತ್ರ ಪಠ್ಯಕ್ರಮಕ್ಕೆ ಸಂಬಧಿಸಿದ ಪ್ರಮುಖ ಟಾಪಿಕ್‌ಗಳ ವಿವರಗಳನ್ನು ಈ ಕೆಳಗೆ ವಿವರವಾಗಿ ನೀಡಲಾಗಿದೆ. ಇದರನ್ವಯ ವಿದ್ಯಾರ್ಥಿಗಳು ಈ ವಿಷಯಗಳಿಗೆ ಹೆಚ್ಚು ಒತ್ತು ಕೊಟ್ಟು ಅಧ್ಯಯನ ಮಾಡಿದಲ್ಲಿ ಇತ್ತಮ ಅಂಕಗಳನ್ನು ಗಳಿಸಲು ಸಾಧ್ಯವಾಗುತ್ತದೆ.
ಅಧ್ಯಾಯ 3: ಸರಳ ರೇಖೆಯಲ್ಲಿನ ಚಲನೆ (8 ಗಂಟೆಗಳು – 9 ಅಂಕಗಳು):
- ಸ್ಥಾನ ಮತ್ತು ಆಧಾರ ಚೌಕಟ್ಟು
- ಪಥದ ಉದ್ದ ಮತ್ತು ಸ್ಥಾನಪಲ್ಲಟದ ವ್ಯಾಖ್ಯಾನಗಳು
- ಸರಾಸರಿ ವೇಗ ಮತ್ತು ಸರಾಸರಿ ಜವದ ವ್ಯಾಖ್ಯಾನಗಳು
- ಕ್ಷಣೀಯ ವೇಗ ಮತ್ತು ಜವ & ಏಕರೀತಿಯ ಮತ್ತು ಸಮವಲ್ಲದ ಚಲನೆ
- ಸಮವೇಗೋತ್ಕರ್ಷದಲ್ಲಿನ ಚಲನೆ
- ಸ್ಥಾನ-ಕಾಲ ನಕ್ಷೆ – ವೇಗ-ಕಾಲ ನಕ್ಷೆ: ವೇಗ ಕಾಲದ ನಕ್ಷೆಯ ಅಡಿಯಲ್ಲಿ ವಿಸ್ತೀರ್ಣವು ಸ್ಥಾನಪಲ್ಲಟಕ್ಕೆ ಸಮಾನವಾಗಿದೆ ಎಂದು ತೋರಿಸಿ.
- ಸಮವೇಗೋತ್ಕರ್ಷದಲ್ಲಿನ ಚಲನೆಯ ಗತಿವಿಜ್ಞಾನ ಸಮೀಕರಣಗಳು ಮತ್ತು ಗ್ರಾಫ್ ಬಳಸಿ- ಸಾಪೇಕ್ಷ ವೇಗ.
- ಚಲನೆಯನ್ನು ವಿವರಿಸಲು ಅವಕಲನ ಮತ್ತು ಅನುಕರಣದ ಪ್ರಾಥಮಿಕ ಪರಿಕಲ್ಪನೆಗಳು, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 4: ಸಮತಲದಲ್ಲಿನ ಚಲನೆ (12 ಗಂಟೆಗಳು – 14 ಅಂಕಗಳು):
- ಅದಿಶಗಳು ಮತ್ತು ಸದಿಶಗಳು
– ಸ್ಥಾನ ಮತ್ತು ಸ್ಥಾನಪಲ್ಲಟ ಸದಿಶಗಳು
– ಸದಿಶಗಳ ಸಮಾನತೆ
– ವಾಸ್ತವ ಸಂಖ್ಯೆಗಳಿಂದ ಸದಿಶಗಳ ಗುಣಾಕಾರ - ಎರಡು ಸದಿಶಗಳ ಸಂಕಲನ ಮತ್ತು ವ್ಯವಕಲನ
- ತ್ರಿಭುಜ ನಿಯಮ ಮತ್ತು ಸಮಾಂತರ ಚತುರ್ಭುಜ ನಿಯಮ
- ಏಕಮಾನ ಸದಿಶ – ಸದಿಶಗಳ ವಿಭಜನೆ
- ಆಯತಾಕಾರದ ಉಪಾಂಗಗಳು
- ಎರಡು ಏಕಕಾಲೀನ ಫಲಿತ ಸದಿಶಗಳು, (ಪಠ್ಯ ಪುಸ್ತಕದ ಉದಾಹರಣೆ 4.2 ಅನ್ನು ನೋಡಿ).
ಉದಾಹರಣೆಗಳೊಂದಿಗೆ ಎರಡು ಸದಿಶಗಳ ಅದಿಶ ಮತ್ತು ಸದಿಶ ಗುಣಲಬ್ಧಗಳು (ಪಠ್ಯ ಪುಸ್ತಕದ ಅಧ್ಯಾಯ 6 ಮತ್ತು 7 ನೋಡಿ). - ಸ್ಥಿರ ವೇಗೋತ್ಕರ್ಷದೊಂದಿಗೆ ಸಮತಲದಲ್ಲಿನ ಚಲನೆ. ಪ್ರಕ್ಷೇಪಕ ಚಲನೆ: ಪಥದ ಸಮೀಕರಣ, ಹಾರಾಟ ಕಾಲದ ವ್ಯುತ್ಪನ್ನ, ಪ್ರಕ್ಷೇಪಕದ ಗರಿಷ್ಠ ಎತ್ತರ ಮತ್ತು ಕ್ಷಿತಿಜೀಯ ವ್ಯಾಪ್ತಿ.
- ಏಕರೂಪದ ವೃತ್ತೀಯ ಚಲನೆ: ಕೇಂದ್ರಾಭಿಮುಖ ವೇಗೋತ್ಕರ್ಷದ ವ್ಯುತ್ಪನ್ನ, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 5: ಚಲನೆಯ ನಿಯಮಗಳು (11 ಗಂಟೆಗಳು – 13 ಅಂಕಗಳು):
- ಅರಿಸ್ಟಾಟಲ್‌ನ ತರ್ಕದೋಷ
– ನ್ಯೂಟನ್ನ ಮೊದಲನೆಯ ಚಲನಾ ನಿಯಮ
– ಜಡತ್ವ ಮತ್ತು ಬಲದ ಪರಿಕಲ್ಪನೆ
– ಸಂವೇಗದ ಪರಿಕಲ್ಪನೆ
– ನ್ಯೂಟನ್ನ ಎರಡನೆಯ ಚಲನೆ ನಿಯಮ
- ಬಲದ ವ್ಯುತ್ಪನ್ನ ಮತ್ತು ಬಲದ SI ಮೂಲಮಾನ
– ಆವೇಗ, ಆವೇಗೀಯ ಬಲ ಮತ್ತು ಉದಾಹರಣೆಗಳು
– ನ್ಯೂಟನ್ನ ಚಲನೆಯ ಮೂರನೇ ನಿಯಮ - ದೈನಂದಿನ ಜೀವನದ ಉದಾಹರಣೆಗಳೊಂದಿಗೆ ಕ್ರಿಯೆ ಮತ್ತು ಪ್ರತಿಕ್ರಿಯೆ ಯುಗ್ಮಗಳ ಗುರುತಿಸುವಿಕೆ.
- ರೇಖೀಯ ಸಂವೇಗದ ಸಂರಕ್ಷಣೆ ನಿಯಮ
- ಎರಡು ಕಾಯಗಳ ಸಂಘಟ್ಟನೆಯ ಸಂದರ್ಭದಲ್ಲಿ ಹೇಳಿಕೆ ಮತ್ತು ಪುರಾವೆ.
- ಏಕಕಾಲೀನ ಬಲಗಳ ಕ್ರಿಯೆಯ ಅಡಿಯಲ್ಲಿ ಕಣದ ಸಮತೋಲನ ಸ್ಥಿತಿ
- ಘರ್ಷಣೆ: ಸ್ಥಾಯಿ ಮತ್ತು ಚಲನ ಘರ್ಷಣೆ
– ಘರ್ಷಣೆಯ ನಿಯಮಗಳು
– ಉರುಳು ಘರ್ಷಣೆ
– ಘರ್ಷಣೆಯನ್ನು ಕಡಿಮೆ ಮಾಡುವ ವಿಧಾನಗಳು - ಏಕರೂಪ ವೃತ್ತೀಯ ಚಲನೆಯ ಚಲನಶಾಸ್ತ್ರ
- ತಿರುವೇರಿನ ವೃತ್ತೀಯ ರಸ್ತೆಯಲ್ಲಿ ಚಲಿಸುವ ಕಾರಿನ ಗರಿಷ್ಠ ವೇಗದ ವ್ಯುತ್ಪನ್ನ ಮತ್ತು ಸಮತಲ ವೃತ್ತೀಯ ರಸ್ತೆಯ ಸಂದರ್ಭದಲ್ಲಿನ ಚರ್ಚೆ, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 6: ಕೆಲಸ, ಶಕ್ತಿ ಮತ್ತು ಸಾಮರ್ಥ್ಯ (11 ಗಂಟೆಗಳು – 13 ಅಂಕಗಳು)
- ಕೆಲಸ: ಕೆಲಸದ ವ್ಯಾಖ್ಯಾನ ಮತ್ತು ವಿವಿಧ ಕಾರಣಗಳ ಚರ್ಚೆ
– ಸ್ಥಿರ ಮತ್ತು ಬದಲಾಗುವ ಬಲದಿಂದಾದ ಕೆಲಸ. - ಚಲನ ಶಕ್ತಿ – ಕೆಲಸ – ಶಕ್ತಿ ಪ್ರಮೇಯ
- ಸ್ಥಿರವೇಗೋತ್ಕರ್ಷದಲ್ಲಿ ರೇಖೀಯ ಚಲನೆಯ ಸಂದರ್ಭದ ಹೇಳಿಕೆಗಳು ಮತ್ತು ಪುರಾವೆಗಳು.
- ಪ್ರಚ್ಛನ್ನ ಶಕ್ತಿಯ ಪರಿಕಲ್ಪನೆ
– ಯಾಂತ್ರಿಕ ಶಕ್ತಿಯ ಸಂಸ್ಕರಣ ತತ್ವದ ಹೇಳಿಕೆ - ಮುಕ್ತಪತನವಾಗುವ ವಸ್ತುವಿನ ಸಂದರ್ಭದ ಹೇಳಿಕೆಗಳು ಮತ್ತು ವಿವರಣೆ.
- ಉದಾಹರಣೆಯೊಂದಿಗೆ ಸಂರಕ್ಷಿತ ಮತ್ತು ಅಸಂರಕ್ಷಿತ ಬಲಗಳು.
- ಸ್ಪ್ರಿಂಗಿನ ಪ್ರಚ್ಛನ ಶಕ್ತಿ
-ಸಮೀಕರಣ V(x) = ½ kx2 . - ಸಾಮರ್ಥ್ಯ : ಸಂಘಟ್ಟನೆಗಳ ಸಾಮರ್ಥ್ಯದ ವ್ಯಾಖ್ಯಾನಗಳು ಮತ್ತು ಶಕ್ತಿಯ ವ್ಯಾಖ್ಯಾನ ಮತ್ತು ವ್ಯುತ್ಪತ್ತಿ
- ಸ್ಥಿತಿಸ್ಥಾಪಕ ಮತ್ತು ಅಸ್ಥಿತಿ ಸ್ಥಾಪಕ ಸಂಘಟ್ಟನೆಗಳು
– ಒಂದು ಆಯಾಮದಲ್ಲಿ ಸಂಘಟ್ಟನೆಗಳು: ಸಂಪೂರ್ಣ ಸ್ಥಿತಿ ಸ್ಥಾಪಕ ಸಂಘಟ್ಟನೆಯಲ್ಲಿ ಚಲನ ಶಕ್ತಿಯ ನಷ್ಟದ ವ್ಯುತ್ಪನ್ನ
– ಸ್ಥಿತಿಸ್ಥಾಪಕ ಸಂಘಟ್ಟನೆಗೆ ಒಳಗಾಗುವ ಯರಾಶಿಗಳ ಅಂತಿಮ ವೇಗದ ವ್ಯುತ್ಪನ್ನ
– ಎರಡು ಆಯಾಮಗಳಲ್ಲಿ ಸಂಘಟ್ಟನೆಗಳು, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 7: ಕಣಗಳ ವ್ಯವಸ್ಥೆ ಮತ್ತು ಭ್ರಮಣ ಚಲನೆ (12 ಗಂಟೆಗಳು – – 14 ಅಂಕಗಳು)
- ದೃಢಕಾಯದ ಚಲನೆ ವ್ಯಾಖ್ಯಾನಗಳು, ಸ್ಥಾನಾಂತರ ಚಲನೆ ಮತ್ತು ಭ್ರಮಣ ಚಲನೆ
– ಎರಡು-ಕಣಗಳ ವ್ಯವಸ್ಥೆಯ ದ್ರವ್ಯರಾಶಿಯ ಕೇಂದ್ರ
(a) n ಕಣ ವ್ಯವಸ್ಥೆಯ ದ್ರವ್ಯರಾಶಿಯ ಕೇಂದ್ರದ ಸ್ಥಾನ ನಿರ್ದೇಶಾಂಕಗಳಿಗೆ ಉಕ್ತಿಯ ಉಲ್ಲೇಖ
(b) ದೃಢಕಾಯ ಮತ್ತು
(c) ಏಕರೂಪದ ತೆಳುವಾದ ಸರಳು. - ಕೋನೀಯ ವೇಗೋತ್ಕರ್ಷದ ವ್ಯಾಖ್ಯಾನ ಮತ್ತು ಸಂಬಂಧದ ಉಲ್ಲೇಖ v = r – ಕೋನೀಯ ಸಂವೇಗ ಮತ್ತು ಬಲದ ಮಹತ್ವದ ವ್ಯಾಖ್ಯಾನಗಳು
– ಭ್ರಾಮಕ – ಕಣದ ಕೋನೀಯ ಸಂವೇಗ. - ಒಂದು ದೃಢಕಾಯದ ಸಮಸ್ಥಿತಿ
- ದೃಢಕಾಯದ ಯಾಂತ್ರಿಕ ಸಮಸ್ಥಿತಿ ಪರಿಸ್ಥಿತಿಗಳ ಉಲ್ಲೇಖ.
- ಜಡತಾ ಮಹತ್ವ ಮತ್ತು ಚಕ್ರಾವರ್ತನ ತ್ರಿಜ್ಯದ ವ್ಯಾಖ್ಯಾನಗಳು
– ಸಮಾನಾಂತರ ಮತ್ತು ಲಂಬ ಅಕ್ಷ ಪ್ರಮೇಯಗಳು ಹೇಳಿಕೆ ಮತ್ತು ವಿವರಣೆ
– ಸರಳ ಜ್ಯಾಮಿತೀಯ ವಸ್ತುವಿನ ಜಡತ್ವದ ಕ್ಷಣಕ್ಕಾಗಿ ಅಭಿವ್ಯಕ್ತಿಗಳ ಉಲ್ಲೇಖ. - ಸ್ಥಿರ ಅಕ್ಷಕ್ಕೆ ಅನುಗುಣವಾಗಿ ಭ್ರಮಣದ ಚಲನಶಾಸ್ತ್ರ
- ಪರಿಭ್ರಮಣ ಚಲನೆಯ ಸಮೀಕರಣದ ಉಲ್ಲೇಖ
– ರೇಖೀಯ ಮತ್ತು ತಿರುಗುವ ಚಲನೆಯ ಹೋಲಿಕೆ. - ಕೋನೀಯ ಸಂವೇಗ ಸಂರಕ್ಷಣೆಯ ತತ್ವ:ಹೇಳಿಕೆ ಮತ್ತು ವಿವರಣೆಗಳು, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 8: ಗುರುತ್ವ: (9 ಗಂಟೆಗಳು – 10 ಅಂಕಗಳು)
- ಗ್ರಹಗಳ ಚಲನೆಯ ಕೆಪ್ಲರ್ ನಿಯಮಗಳು: ಹೇಳಿಕೆ ಮತ್ತು ವಿವರಣೆ
– ವಿಶ್ವವ್ಯಾಪಿ ಗುರುತ್ವ ನಿಯಮ: ಹೇಳಿಕೆ ಮತ್ತು ವಿವರಣೆ. - ಗುರುತ್ವಾಕರ್ಷಣೆಯಿಂದಾಗಿ ವೇಗೋತ್ಕರ್ಷ: g ಮತ್ತು G ನಡುವಿನ ಸಂಬಂಧದ ವ್ಯುತ್ಪತ್ತಿ.
- ಎತ್ತರ (ಎತ್ತರ) ಮತ್ತು ಆಳದೊಂದಿಗೆ ಗುರುತ್ವ ಕಾರಣದಿಂದಾಗಿ ವೇಗೋತ್ಕರ್ಷದ ವ್ಯತ್ಯಾಸ:
- ಮೇಲ್ಮೈ ಮೇಲೆ (a) ಮತ್ತು (b) ಕೆಳಗೆ, ಭೂಮಿಯ ಮೇಲ್ಮೈಯಲ್ಲಿ ಗುರುತ್ವದ ವೇಗೋತ್ಕರ್ಷದ ವ್ಯುತ್ಪತ್ತಿ.
- ಗುರುತ್ವಾಕರ್ಷಣೆಯ ಪ್ರಚ್ಛನ್ನ ಶಕ್ತಿ: ಗುರುತ್ವ ಪ್ರಚ್ಛನ್ನ ಶಕ್ತಿಯ ವ್ಯುತ್ಪನ್ನ.
- ವಿಮೋಚನಾ ಜವ: ಶಕ್ತಿ ಸಂರಕ್ಷಣೆಯ ತತ್ವದಿಂದ ವಿಮೋಚನಾ ಜವಕ್ಕಾಗಿ ಉಕ್ತಿಯ ವ್ಯಾಖ್ಯಾನ ಮತ್ತು ವ್ಯುತ್ಪನ್ನ. ಭೂಮಿಯ ಉಪಗ್ರಹಗಳು: ಭೂಮಿಯ ಉಪಗ್ರಹದ ಕಕ್ಷೆಯ ವೇಗದ ವ್ಯುತ್ಪನ್ನ
– ಭೂಸ್ಥಿರ ಮತ್ತು ದೃವೀಯ ಉಪಗ್ರಹಗಳು, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 11: ದ್ರವ್ಯದ ಉಷ್ಣ ಗುಣಗಳು (10 ಗಂಟೆಗಳು – 12 ಅಂಕಗಳು):
- ತಾಪ ಮತ್ತು ಉಷ್ಣ – ಘನವಸ್ತುಗಳ ಉಷ್ಣ ಹಿಗ್ಗಿಕೆ
- ರೇಖೀಯ, ವಿಸ್ತೀರ್ಣ ಮತ್ತು ಘನವಸ್ತುಗಳ ಪರಿಮಾಣ ಹಿಗ್ಗಿಕೆ
– ದ್ರವಗಳ ಉಷ್ಣ ಹಿಗ್ಗಿಕೆ : ನೀರಿನ ಅಸಾಮಾನ್ಯ ಹಿಗ್ಗಿಕೆ
– ಅನಿಲಗಳ ಉಷ್ಣ ಹಿಗ್ಗಿಕೆ: ಆದರ್ಶ ಅನಿಲಕ್ಕಾಗಿ αV = 1/T ಯ ವ್ಯುತ್ಪತ್ತಿ. - ವಿಶಿಷ್ಟ ಉಷ್ಣ ಸಾಮರ್ಥ್ಯ: ಉಷ್ಣ ಸಾಮರ್ಥ್ಯ ಮತ್ತು ವಿಶಿಷ್ಟ ಉಷ್ಣ ಸಾಮರ್ಥ್ಯದ ವ್ಯಾಖ್ಯಾನ
– ಸ್ಥಿರ ಒತ್ತಡದಲ್ಲಿ ಮತ್ತು ಸ್ಥಿರ ಗಾತ್ರದಲ್ಲಿ ಮೋಲಾರ್ ವಿಶಿಷ್ಟ ಉಷ್ಣ ಸಾಮರ್ಥ್ಯ.
ಕ್ಯಾಲೋರಿಮಾಪನ ತತ್ವ
– ಸ್ಥಿತಿಯ ಬದಲಾವಣೆ: ಕರಗುವಿಕೆ, ಸಮ್ಮಿಳನ, ಕರಗುವ ಬಿಂದು, ಪುನರ್ಘನೀಭವನ, ಕುದಿಯುವ ಬಿಂದು, ಉತ್ಪತನ ಬಿಂದು
– ಗುಪ್ತೋಷ್ಣ: ಸಮ್ಮಿಳನ ಮತ್ತು ಆವಿಯಾಗುವಿಕೆಯ ಗುಪ್ತೋಷ್ಣ. - ಉಷ್ಣ ಪ್ರಸಾರ: ಉಷ್ಣವಹನ ಮತ್ತು ಉಷ್ಣವಾಹಕತ್ವ -ಸಂವಹನ: ಕಡಲ್ಗಾಳಿ ಮತ್ತು ನೆಲಗಾಳಿ – ವಿಕಿರಣ
ನ್ಯೂಟನ್ನ ತಣಿಕೆ ನಿಯಮ. - ಪಠ್ಯ ಪುಸ್ತಕದ ಪೂರಕ ವಸ್ತುಗಳನ್ನು ಉಲ್ಲೇಖಿಸಿ: ಸ್ಟೀಫನ್ ನಿಯಮ – ಕೃಷ್ಣ ಕಾಯದ ವಿಕಿರಣದ ಗುಣಾತ್ಮಕ ಕಲ್ಪನೆಗಳು – ವೈನ್ ಸ್ಥಾನಾಂತರ ನಿಯಮ – ಹಸಿರುಮನೆ ಪರಿಣಾಮ, ಸಂಖ್ಯಾತ್ಮಕ ಸಮಸ್ಯೆಗಳು.
ಅಧ್ಯಾಯ 15: ಅಲೆಗಳು (10 ಗಂಟೆಗಳು – 12 ಅಂಕಗಳು):
- ತರಂಗ ಚಲನೆ – ಅಡ್ಡಲೆಗಳು ಮತ್ತು ನೀಳ ಅಲೆಗಳು – ಪುರೋಗಮನ ಅಲೆಯಲ್ಲಿ ಸ್ಥಾನಪಲ್ಲಟ ಸಂಬಂಧ – ಪಾರ ಮತ್ತು ಅವಸ್ಥೆ – ತರಂಗ ದೂರ ಮತ್ತು ಕೋನೀಯ ತರಂಗ ಸಂಖ್ಯೆ – ಆವರ್ತಕಾಲ, ಆವೃತ್ತಿ ಮತ್ತು ಕೋನೀಯ ಆವೃತ್ತಿ – ಚಲಿಸುವ ಅಲೆಯ ಜವ : ಸೆಳೆದ ತಂತಿಯ ಅಡ್ಡ ಅಲೆಯ ಜವ.
- ನೀಳ ಅಲೆಯ ಜವ (ಶಬ್ದದ ಜವ): ನ್ಯೂಟನ್ನ ಸೂತ್ರ ಮತ್ತು ಲ್ಯಾಪ್ಲೇಸ್‌ನ ತಿದ್ದುಪಡಿ.ಅಲೆಗಳ ಅಧ್ಯಾರೋಪಣ ತತ್ವದ ಗುಣಾತ್ಮಕ ವಿವರಣೆ. ದೃಢ ಮತ್ತು ತೆರೆದ ಅಂಚಿನಿಂದ ಅಲೆಗಳ ಪ್ರತಿಫಲನ.
- ಸ್ಥಾಯಿ ಅಲೆಗಳು ಮತ್ತು ಸಾಮಾನ್ಯ ವಿನ್ಯಾಸಗಳು: ಸಿದ್ಧಾಂತ, ಕಟ್ಟಿರುವ ದಾರ ಮತ್ತು ಗಾಳಿ ಸ್ತಂಭಗಳ ವಿಸ್ತರಣೆ -ಮೂಲ ವಿನ್ಯಾಸ ಮತ್ತು ಸುಸಂಗತಗಳು- ವಿಸ್ಪಂದಗಳ ಸಿದ್ಧಾಂತ.
- ಡಾಪ್ಲರ್ ಪರಿಣಾಮ: ವಿದ್ಯಮಾನದ ವಿವರಣೆ – ಸಂದರ್ಭದಲ್ಲಿ ಸ್ಪಷ್ಟ ಆವರ್ತನದ ವ್ಯುತ್ಪನ್ನ (a) ಆಕರ ಚಲಿಸುತ್ತಿದ್ದು ವೀಕ್ಷಕ ನಿಶ್ಚಲವಾಗಿದ್ದಾಗ, (b) ವೀಕ್ಷಕ ಚಲಿಸುತ್ತಿದ್ದು ಆಕರ ನಿಶ್ಚಲವಾಗಿದ್ದಾಗ ಮತ್ತು (c) ಆಕರ ಮತ್ತು ವೀಕ್ಷಕ ಇಬ್ಬರೂ ಚಲನೆಯಲ್ಲಿದ್ದಾಗ, ಸಂಖ್ಯಾತ್ಮಕ ಸಮಸ್ಯೆಗಳು.
ಪ್ರಥಮ ಪಿಯುಸಿ ಪರೀಕ್ಷೆ 2023ರ ಭೌತಶಾಸ್ತ್ರ ಪರೀಕ್ಷೆಯ ಅಧ್ಯಾಯ ಮತ್ತು ಅಂಕಗಳ ಹಂಚಿಕೆ
ಪ್ರಥಮ ಪಿಯುಸಿ ಭೌತಶಾಸ್ತ್ರ ಪರೀಕ್ಷೆ ಮಾದರಿ 2023
ಪ್ರಥಮ ಪಿಯುಸಿ ಭೌತಶಾಸ್ತ್ರ ಪರೀಕ್ಷೆ ಮಾದರಿಯ ವಿವರಗಳನ್ನು ಈ ಕೆಳಗೆ ನೀಡಲಾಗಿದೆ.
| ಪರೀಕ್ಷೆಯ ಅವಧಿ | 3 ಗಂಟೆಗಳು |
|---|---|
| ಆಂತರಿಕ ಅಂಕಗಳು | 30 ಅಂಕಗಳು |
| ಥಿಯರಿ ಅಂಕಗಳು | 70 ಅಂಕಗಳು |
| ಪ್ರಶ್ನೆಗಳ ಒಟ್ಟು ಸಂಖ್ಯೆ | 37 (27 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
| ಅತಿ ಸಣ್ಣ ಉತ್ತರ ಮಾದರಿಯ ಪ್ರಶ್ನೆಗಳು (ಪ್ರತಿಯೊಂದಕ್ಕೆ 1 ಅಂಕ) | 10 ಪ್ರಶ್ನೆಗಳಿಗೆ ಉತ್ತರಿಸಬೇಕು |
| ಸಣ್ಣ ಉತ್ತರ ಮಾದರಿಯ ಪ್ರಶ್ನೆಗಳು (SA-1) (ಪ್ರತಿಯೊಂದಕ್ಕೆ 2 ಅಂಕಗಳು) | 8 (5 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
| ಸಣ್ಣ ಉತ್ತರ ಮಾದರಿಯ ಪ್ರಶ್ನೆಗಳು (SA-2) (ಪ್ರತಿಯೊಂದಕ್ಕೆ 3 ಅಂಕಗಳು) | 8 (5 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
| ದೀರ್ಘ ಉತ್ತರ (LA-1) (ಪ್ರತಿಯೊಂದಕ್ಕೆ 5 ಅಂಕಗಳು) | 3 (2 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
| ದೀರ್ಘ ಉತ್ತರ ಮಾದರಿ (LA-2) (ಪ್ರತಿಯೊಂದಕ್ಕೆ 5 ಅಂಕಗಳು) | 3 (2 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
| ಸಂಖ್ಯಾತ್ಮಕ ಸಮಸ್ಯೆಗಳು (NP) (ಪ್ರತಿಯೊಂದಕ್ಕೆ 5 ಅಂಕಗಳು) | 5 (3 ಪ್ರಶ್ನೆಗಳಿಗೆ ಉತ್ತರಿಸಬೇಕು) |
ಪ್ರಥಮ ಪಿಯುಸಿ ಪರೀಕ್ಷೆಯ ಭೌತಶಾಸ್ತ್ರ ಪತ್ರಿಕೆಗೆ ಸಂಬಂಧಿಸಿದಂತೆ ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು (FAQs)
ಪ್ರ. 1: ಪ್ರಥಮ ಪಿಯುಸಿ ಪರೀಕ್ಷೆಯಲ್ಲಿ ಒಂದು ಅಂಕದ ಪ್ರಶ್ನೆಗಳು ಎಷ್ಟಿರುತ್ತವೆ?
ಉತ್ತರ: ಪ್ರಥಮ ಪಿಯುಸಿಯಲ್ಲಿ ಒಂದು ಅಂಕದ ಒಟ್ಟು 15 ಪ್ರಶ್ನೆಗಳನ್ನು ನೀಡಲಾಗುತ್ತದೆ. ವಿದ್ಯಾರ್ಥಿಗಳು ಅವುಗಳಲ್ಲಿ ಯಾವುದಾದರೂ 10ಕ್ಕೆ ಉತ್ತರಿಸಬೇಕು.
ಪ್ರ. 2: ಪ್ರಥಮ ಪಿಯುಸಿ ಭೌತಶಾಸ್ತ್ರದ ಒಟ್ಟು ಬೋಧನಾ ಅವಧಿ ಎಷ್ಟು?
ಉತ್ತರ: ಪ್ರಥಮ ಪಿಯುಸಿ ಭೌತಶಾಸ್ತ್ರದಲ್ಲಿ ಒಟ್ಟು 15 ಅಧ್ಯಾಯಗಳಿದ್ದು ಒಟ್ಟಾರೆಯಾಗಿ ಬೋಧನಾ ಅವಧಿಯು 120 ಗಂಟೆಗಳು.
ಪ್ರ. 3: ಭೌತಶಾಸ್ತ್ರದಲ್ಲಿ ಯಾವ ವಿಧದ ಪ್ರಶ್ನೆಗಳನ್ನು ಕೇಳಲಾಗುತ್ತದೆ?
ಉತ್ತರ: ಅತಿ ಸಣ್ಣ ಉತ್ತರ, ಸಣ್ಣ ಉತ್ತರ, ದೀರ್ಘ ಉತ್ತರ, ಸಂಖ್ಯಾತ್ಮಕ ಸಮಸ್ಯೆಗಳು ವಿಧದ ಪ್ರಶ್ನೆಗಳನ್ನು ಕೇಳಲಾಗುತ್ತದೆ.
ಪ್ರ. 4: ಅತಿ ಹೆಚ್ಚು ಅಂಕಗಳನ್ನು ಹೊಂದಿರುವ ಅಧ್ಯಾಯಗಳು ಯಾವುವು?
ಉತ್ತರ: ಸಮತಲದಲ್ಲಿನ ಚಲನೆ (14), ಚಲನೆಯ ನಿಯಮಗಳು (13), ಕೆಲಸ, ಶಕ್ತಿ ಮತ್ತು ಸಾಮರ್ಥ್ಯ (13), ಕಣಗಳ ವ್ಯವಸ್ಥೆ ಮತ್ತು ಭ್ರಮಣ ಚಲನೆ (14), ಗುರುತ್ವ (10), ದ್ರವ್ಯದ ಉಷ್ಣ ಗುಣಗಳು (12), ಅಲೆಗಳು (12).
ಪ್ರ. 5: ಭೌತಶಾಸ್ತ್ರ ತಾತ್ವಿಕ ಪರೀಕ್ಷೆಯ ಅವಧಿ ಎಷ್ಟು?
ಉತ್ತರ: ಪ್ರಥಮ ಪಿಯುಸಿ ಭೌತಶಾಸ್ತ್ರ ತಾತ್ವಿಕ ಪರೀಕ್ಷೆಗೆ 3 ಗಂಟೆ 15 ನಿಮಿಷಗಳ ಕಾಲಾವಧಿ ನೀಡಲಾಗುತ್ತದೆ. ಇದರಲ್ಲಿ 15 ನಿಮಿಷಗಳು ಪ್ರಶ್ನೆ ಪತ್ರಿಕೆಯನ್ನು ಓದಲು ನೀಡಲಾಗುತ್ತದೆ.
ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಪ್ರಥಮ ಪಿಯುಸಿ ಪರೀಕ್ಷೆ 2023 ಕುರಿತ ಇತ್ತೀಚಿನ ಸುದ್ದಿ ಮತ್ತು ಅಪ್‌ಡೇಟ್‌ಗಳಿಗಾಗಿ Embibe ಪುಟಕ್ಕೆ ಭೇಟಿ ಮಾಡುತ್ತಿರಿ. “ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಪ್ರಥಮ ಪಿಯುಸಿ 2022-23: ಭೌತಶಾಸ್ತ್ರದ ಪ್ರಮುಖ ಟಾಪಿಕ್‌ಗಳು” ಕುರಿತ ಈ ಲೇಖನವು ನಿಮಗೆ ಉಪಯುಕ್ತಕರವಾಗಿತ್ತು ಎಂದು ನಾವು ಭಾವಿಸುತ್ತೇವೆ. ಇಂತಹ ಇನ್ನಷ್ಟು ಕಂಟೆಂಟ್‌ಗಾಗಿ Embibe ಪುಟಕ್ಕೆ ಭೇಟಿ ಮಾಡುತ್ತಿರಿ.
