കേരള ബോർഡ് SSLC പരീക്ഷ 2023: യോഗ്യതാ മാനദണ്ഡങ്ങൾ

കേരള ബോർഡ് പത്താം ക്ലാസ് പരീക്ഷ

കേരള ബോർഡ് ഓഫ് പബ്ലിക് എക്സാമിനേഷനാണ് (KBPE) എല്ലാ വർഷവും എസ്എസ്എൽസി പരീക്ഷ നടത്തുന്നത്. KBPE അംഗീകരിച്ച എയ്ഡഡ്/അൺഎയ്ഡഡ്/ഗവൺമെൻ്റ് സ്കൂളുകളിൽ നിന്ന് ഒൻപതാം ക്ലാസ് വിജയിച്ച് പത്താം ക്ലാസിൽ പഠിക്കുന്ന വിദ്യാർത്ഥികൾക്കാണ് പരീക്ഷ എഴുതാൻ യോഗ്യത. സ്കൂൾ പഠനത്തിലെ വഴിത്തിരിവ് എന്ന നിലയിൽ കേരള ബോർഡ് എസ്എസ്എൽസി പരീക്ഷ ഓരോ വിദ്യാർത്ഥിക്കും വളരെയധികം പ്രധാനപ്പെട്ടതാണ്.

മറ്റേതൊരു പരീക്ഷയും പോലെ ചില മാനദണ്ഡങ്ങൾ പാലിച്ചെങ്കിൽ മാത്രമേ കേരള എസ്എസ്എൽസി പരീക്ഷ എഴുതാനാവൂ. വിദ്യാർത്ഥികൾക്കും സ്കൂളുകൾക്കും ഒരു പോലെ ഈ മാനദണ്ഡങ്ങൾ ബാധകമായിരിക്കും. അതുകൊണ്ട് പരീക്ഷ സംബന്ധിച്ച് കൃത്യമായ ഇടവേളകളിൽ കേരള ബോർഡ് ഓഫ് പബ്ലിക് എക്സാമിനേഷൻ പുറപ്പെടുവിക്കുന്ന നിർദ്ദേശങ്ങൾ പിന്തുടരാൻ ശ്രമിക്കണം.

കേരള ബോർഡ് SSLC പരീക്ഷ 2023 ; യോഗ്യതാ മാനദണ്ഡങ്ങൾ 

• ഹയർ സെക്കൻ്ററി ബോർഡ് കാലാകാലങ്ങളായി നിശ്ചയിച്ചിരിക്കുന്ന നിബന്ധനകൾക്ക് വിധേയമായി എല്ലാ അംഗീകൃത ഹൈസ്കൂളുകൾക്കും ഉദ്യോഗാർത്ഥികളെ പരീക്ഷക്ക് അയക്കാം.

• ഒമ്പതാം ക്ലാസ് പരീക്ഷ വിജയിച്ച ഗവണ്മെൻ്റ്/എയ്ഡഡ്/ അൺഎയ്ഡഡ് (അംഗീകൃത) സ്‌കൂളുകളിൽ പഠിച്ച വിദ്യാർത്ഥികൾക്ക് കേരള ബോർഡ് SSLC പരീക്ഷ 2023 എഴുതാം 

• കേരള ബോർഡ് SSLC പരീക്ഷ 2023 എഴുതുന്നതിനായി വിദ്യാർത്ഥിക്ക് പത്താം ക്ലാസ് അധ്യയന വർഷത്തിൽ മതിയായ ഹാജർ ഉണ്ടായിരിക്കണം.

• എല്ലാ അംഗീകൃത സ്കൂളുകളും ബോർഡ് നിർദ്ദേശിക്കുന്ന തീയതിയിലോ അതിനുമുമ്പോ പരീക്ഷയ്ക്ക് അയക്കുന്ന വിദ്യാർത്ഥികളുടെ വിവരങ്ങൾ സമർപ്പിക്കണം.

• വിദ്യാർത്ഥികളെ സംബന്ധിച്ച എല്ലാ രേഖകളും രജിസ്റ്ററിൽ സൂക്ഷിക്കണം. പരീക്ഷാ ബോർഡ് ആവശ്യപ്പെട്ടാൽ അവ സമർപ്പിക്കണം.

• പരീക്ഷ നടത്തുന്നതിനും മാർക്ക് പട്ടിക തയ്യാറാക്കുന്നതിനും പരീക്ഷാഫലങ്ങൾ പ്രസിദ്ധീകരിക്കുന്നതിനുമുള്ള എല്ലാ സൗകര്യങ്ങളും സ്കൂളുകളിൽ ലഭ്യമായിരിക്കണം

• പരീക്ഷയുമായി ബന്ധപ്പെട്ട് ബോർഡ് പുറപ്പെടുവിക്കുന്ന നിർദ്ദേശങ്ങൾ നടപ്പിലാക്കുകയും നിരീക്ഷിക്കുകയും ചെയ്യണം

റെഗുലർ വിദ്യാർത്ഥികൾക്കുള്ള യോഗ്യതാ മാനദണ്ഡങ്ങൾ

• KBPE അംഗീകൃത സ്കൂളിൽ റെഗുലറായി പഠിച്ച് ഒൻപതാം ക്ലാസ് പരീക്ഷ വിജയിക്കുകയും പത്താം ക്ലാസ് പരീക്ഷയ്ക്ക് സ്കൂൾ മുഖാന്തരം അപേക്ഷ സമർപ്പിക്കുകയും ചെയ്യുന്ന വിദ്യാർത്ഥിക്ക് കേരള SSLC പരീക്ഷ എഴുതാം.

• ആകെയുള്ള പ്രവൃത്തി ദിവസത്തിൻ്റെ എഴുപത്തഞ്ച് ശതമാനത്തിൽ കുറയാത്ത ഹാജർ ഉണ്ടായിരിക്കണം. അല്ലെങ്കിൽ കുറവുള്ള ഹാജർനില അനുച്ഛേദം (2) അല്ലെങ്കിൽ (3) പ്രകാരം സ്കൂളിൽ നിന്നും അംഗീകരിക്കണം. അല്ലാത്തപക്ഷം പരീക്ഷ എഴുതാൻ യോഗ്യത ഉണ്ടാകില്ല

• ആകെ പ്രവൃത്തി ദിവസത്തിൻ്റെ എഴുപത്തഞ്ച് ശതമാനത്തിൽ താഴെയുള്ള ഹാജർ നിലയുടെ പതിനഞ്ച് എണ്ണം സ്കൂൾ ഹെഡ്മാസ്റ്റർ മുഖാന്തരം നികത്താവുന്നതാണ്.

• ഹാജർ നിലയിലുള്ള കുറവ് പതിനഞ്ച് ദിവസത്തിൽ കൂടുതലും മുപ്പത് ദിവസത്തിൽ കുറവുമാണെങ്കിൽ കാര്യ കാരണ സഹിതം ബോർഡിനെ അറിയിച്ച് നിബന്ധനകൾക്ക് വിധേയമായി ഹാജർ പരിഷ്ക്കരിക്കാവുന്നതാണ്.

• ബോർഡിൻ്റെ തീരുമാനങ്ങൾക്ക് അനുസൃമായായിരിക്കും ഹാജർ നിലയിലെ കുറവ് പരിഹരിക്കുന്നതിനുള്ള അന്തിമ തീരുമാനങ്ങൾ ഉണ്ടാവുക

പ്രൈവറ്റ് വിദ്യാർത്ഥിയായി പരീക്ഷ എഴുതുന്നതിനുള്ള മാനദണ്ഡങ്ങൾ

• പൊതു വിദ്യാഭ്യാസ വകുപ്പിൻ്റെ അല്ലെങ്കിൽ പൊതു വിദ്യാഭ്യാസ വകുപ്പ് അംഗീകരിച്ച ഒൻപതാം ക്ലാസ് പഠനം പൂർത്തിയാക്കിവരായിരിക്കണം എസ്എസ്എൽസി പരീക്ഷക്ക് അപേക്ഷി
• ക്കുന്ന പ്രൈവറ്റ് വിദ്യാർത്ഥികൾ.
• KBPE യുടെ മാനദണ്ഡ പ്രകാരമുള്ള പരീക്ഷാ രജിസ്ട്രേഷൻ നടപടികൾ പൂർത്തിയാക്കിയിരിക്കണം.
• പരീക്ഷാ കേന്ദ്രമായി തിരഞ്ഞെടുക്കുന്ന സ്കൂൾ മുഖാന്തരമായിരിക്കണം അപേക്ഷിക്കേണ്ടത്.
• അപേക്ഷാ സമയത്ത് വയസ് തെളിയിക്കുന്ന രേഖകൾ സമർപ്പിക്കേണ്ടതായി വരും
• KBPEയുടെ നിർദ്ദേശങ്ങൾക്ക് അനുസൃതമായ ഫീസ് ഘടനയായിരിക്കും എസ്എൽസി പരീക്ഷ പ്രൈവറ്റ് ആയി എഴുതുന്ന വിദ്യാർത്ഥികൾക്ക് ബാധകമാവുക
• ശാരീരികമായുള്ള വൈകല്യങ്ങൾ കാരണം റഗുലർ സ്കൂൾ പഠനം സാധ്യമാവാതെ വന്ന വിദ്യാർത്ഥികൾ പ്രൈവറ്റായി കേരള എസ്എസ്എൽസി പരീക്ഷ എഴുതാൻ അർഹരാണ്.

മുൻ വിദ്യാർത്ഥിയായി പരീക്ഷ എഴുതുന്നതിനുള്ള മാനദണ്ഡങ്ങൾ

അംഗീകൃത സ്കൂളിൽ നിശ്ചിത ഫീസ് അടച്ച് സ്കൂൾ മുഖാന്തരം പരീക്ഷക്ക് രജിസ്റ്റർ ചെയ്തെങ്കിൽ മാത്രമേ ഒരു ഉദ്യോഗാർത്ഥിക്ക് കേരള എസ്എസ്എൽസി പരീക്ഷ എഴുതാൻ സാധിക്കുകയുള്ളു. ഏതെങ്കിലും കാരണത്താൽ സ്കൂൾ പഠനം താൽക്കാലികമായി നിർത്തുകയോ അതാത് സമയങ്ങളിൽ ഏതെങ്കിലും കാരണവശാൽ പരീക്ഷ എഴുതാൻ സാധിക്കാതെ വരികയോ ചെയ്യുകയും പഠനത്തിൽ ഇടവേളകളുണ്ടാവുകയും ചെയ്തവർക്കാണ് ഇത്തരത്തിൽ പരീക്ഷ എഴുതാനാവുക. കേരള ബോർഡ് ഓഫ് പബ്ലിക് എക്സാമിനേഷൻ നിർദേദശിക്കുന്ന നിബന്ധനകൾ കർശനമായി പാലിക്കാൻ ഈ വിദ്യാർത്ഥികൾ ബാധ്യസ്ഥരായിരിക്കും.

പതിനെട്ട് വയസ്സിന് ശേഷം എസ്എസ്എൽസി പരീക്ഷ എഴുതുന്നതിനുള്ള മാനദണ്ഡങ്ങൾ

• പരീക്ഷ എഴുതാൻ തയ്യാറെടുക്കുന്ന വർഷത്തെ മാർച്ച് മാസം ഒന്നാം തീയതി പ്രകാരം പതിനെട്ട് വയസ് പൂർത്തിയായവർക്ക് കേരള എസ്എസ്എൽസി പരീക്ഷ എഴുതാം.
• അംഗീകൃത സ്കൂളിൽ നിന്നും ഒൻപതാം ക്ലാസ് വിജയിച്ചവരായിരിക്കണം ഉദ്യേഗാർത്ഥികൾ
• KBPEയുടെ മാനദണ്ഡ പ്രകാരം അംഗീകൃ സ്കൂൾ മുഖാന്തിരം പരീക്ഷാ രജിസ്ട്രേഷൻ നടപടികൾ പൂർത്തിയാക്കണം
• രജിസ്ട്രേഷൻ സമയത്ത് KBPEയുടെ നിർദ്ദേശ പ്രകാരമുള്ള ഫീസ് അടക്കാൻ ഉദ്യോഗാർത്ഥികൾ ബാധ്യസ്ഥരായിരിക്കും.
• അപേക്ഷാ സമയത്ത് വയസ് തെളിയിക്കുന്ന രേഖകൾ ഹാജരാക്കണം
• ശാരീരികമായി വൈകല്യമുള്ളവർ പതിനെട്ട് വയസിന് ശേഷം എസ്എസ്എൽസി പരീക്ഷ എഴുതുകയാണെങ്കിൽ അംഗീകൃത മെഡിക്കൽ പ്രാക്ടീഷണർ സാക്ഷ്യപ്പെടുത്തിയ രേഖകൾ ഹാജരാക്കണം.

കേരള ബോർഡ് SSLC അഡ്‌മിറ്റ്‌ കാർഡ് 2023; കൂടുതലറിയാം 

കേരള ബോർഡ് SSLC അഡ്‌മിറ്റ്‌ കാർഡ് 2023; അഡ്‌മിറ്റ്‌ കാർഡിലെ വിവരങ്ങൾ 

SSLC പൊതു പരീക്ഷ എഴുതുന്ന വിദ്യാർത്ഥിയുടെ തിരിച്ചറിയൽ രേഖയായിട്ടാണ് അഡ്‌മിറ്റ്‌ കാർഡ് ഉപയോഗിക്കപ്പെടുന്നത്. അഡ്‌മിറ്റ്‌ കാർഡില്ലാതെ ഒരു വിദ്യാർത്ഥിക്കും പരീക്ഷയെഴുതുവാൻ സാധിക്കില്ല. അഡ്‌മിറ്റ്‌ കാർഡിൽ താഴെപറഞ്ഞിരിക്കുന്ന വിവരങ്ങൾ ഉൾകൊള്ളുന്നു.

• വിദ്യാർത്ഥിയുടെ പേര് 
• അച്ഛന്റെ പേര് 
• അമ്മയുടെ പേര് 
• ജനന തീയതി 
• റോൾ നമ്പർ 
• ബോർഡിന്റെ പേര് 
• പരീക്ഷയുടെ പേര് 
• ക്ലാസ്
• പരീക്ഷാ സമയം 
• വിഷയങ്ങൾ 
• വിഷയത്തിന്റെ കോഡ് 
• പരീക്ഷാ സെന്ററിനെക്കുറിച്ചുള്ള വിവരങ്ങൾ 
• വിദ്യാർത്ഥിയുടെ ഫോട്ടോ 
• ഒപ്പ് 
• പ്രധാന നിർദേശങ്ങൾ 

കേരള ബോർഡ് SSLC അഡ്‌മിറ്റ്‌ കാർഡ് 2023; എങ്ങനെ ഡൗൺലോഡ് ചെയ്യാം?

പരീക്ഷ എഴുതുന്ന വിദ്യാർത്ഥിയുടെ തിരിച്ചറിയൽ രേഖയായിട്ടാണ് അഡ്‌മിറ്റ്‌ കാർഡ് ഉപയോഗിക്കപ്പെടുന്നത്. എന്നാൽ പരീക്ഷ എഴുതുന്നതിനായി രജിസ്റ്റർ ചെയ്തിട്ടുള്ള വിദ്യാർത്ഥികൾക്ക് മാത്രമേ അഡ്‌മിറ്റ്‌ കാർഡ് ലഭ്യമാകുകയുള്ളൂ. സ്കൂൾ അധികൃതരിൽ നിന്നും വിദ്യാർത്ഥികൾക്ക് അഡ്‌മിറ്റ്‌ കാർഡ് കൈപ്പറ്റാം. അഡ്‌മിറ്റ്‌ കാർഡ് ഡൗൺലോഡ് ചെയ്യുന്നതിനായി 

1. പരീക്ഷാഭവന്റെ ഔദ്യോഗിക വെബ്സൈറ് ആയ https://pareekshabhavan.kerala.gov.in/ തുറക്കുക 
2. ഹോം പേജിലെ അപ്ഡേറ്റ് സെക്ഷനിൽ “Pareeksha Bhavan SSLC/10th Hall Ticket 2022” വിൽ ക്ലിക്ക് ചെയ്യുക 
3. ആവശ്യപ്പെടുന്ന വിവരങ്ങൾ നൽകുക’
4. ശേഷം ഡൗൺലോഡ് ചെയ്യുന്നതിനായി അഡ്‌മിറ്റ്‌ കാർഡ് PDF രൂപത്തിൽ ലഭ്യമാകും. 
5. അഡ്‌മിറ്റ്‌ കാർഡിന്റെ അധിക പകർപ്പ് എടുത്ത് സൂക്ഷിക്കുക

അഡ്‌മിറ്റ്‌ കാർഡിൽ നൽകിയിട്ടുള്ള പ്രധാന നിർദ്ദേശങ്ങൾ 

പരീക്ഷയ്ക്ക് കയറുന്നതിനുമുമ്പുതന്നെ വിദ്യാർത്ഥി അഡ്‌മിറ്റ്‌ കാർഡിൽ നൽകിയിട്ടുള്ള നിർദ്ദേശങ്ങൾ വായിക്കേണ്ടതുണ്ട്.

• പ്രാക്ടിക്കൽ പരീക്ഷയ്‌ക്കോ എഴുത്തു പരീക്ഷയ്‌ക്കോ ഹാജരാവുമ്പോൾ നിർബന്ധമായും അഡ്‌മിറ്റ്‌ കാർഡ് കയ്യിൽ കരുതണം 
• ആൻസർ ബുക്കിലെ ഫാക്ട് ഷീറ്റിൽ പരീക്ഷയുടെ പേര്, പരീക്ഷ നടക്കുന്ന വർഷവും മാസവും, രജിസ്ട്രേഷൻ നമ്പർ, വിഷയം എന്നിവ മാത്രമേ രേഖപ്പെടുത്താവൂ.
• മുപ്പത് മിനിറ്റിൽ കൂടുതൽ വൈകി പരീക്ഷാഹാളിൽ എത്തുന്ന വിദ്യാർത്ഥിയെ പരീക്ഷയെഴുതാൻ അനുവദിക്കുന്നതല്ല 
• ഉത്തരങ്ങൾ രേഖപ്പെടുത്താനായി നൽകുന്ന ഗ്രാഫ് പേപ്പർ, മാപ്പ് എന്നിവയിൽ രജിസ്ട്രേഷൻ നമ്പർ രേഖപ്പെടുത്തുകയും അവ ആൻസർ ബുക്കിനൊപ്പം പിൻ ചെയ്യുകയും വേണം. അധികമായി വാങ്ങുന്ന ഓരോ ഉത്തര കടലാസിലും രജിസ്‌ട്രേഷൻ നമ്പർ എഴുതണം.
• അധികമായി വാങ്ങിയ ഉത്തരക്കടലാസുകളുടെ എണ്ണം ആൻസർ ബുക്കിൽ രേഖപ്പെടുത്തണം 
• ഒരു ഉത്തരക്കടലാസിലുടനീളം ഒരേ നിറത്തിലുള്ള മഷി തന്നെ ഉപയോഗിക്കുക   

കേരള ബോർഡ് SSLC പരീക്ഷ 2023 – ടൈം ടേബിൾ 

പരീക്ഷയ്ക്ക് തയ്യാറെടുക്കാം; കൂളായി 

പത്താം ക്ലാസ് പരീക്ഷയെ പല വിദ്യാർത്ഥികളും പേടിയോടെയാണ് നോക്കിക്കാണുന്നത്. അധ്യയന വർഷം തുടങ്ങുമ്പോഴേ പരീക്ഷാഫലത്തെ കുറിച്ചുള്ള ആവലാതിയാണ്. അധ്യാപകർ, രക്ഷകർത്താക്കൾ, ബന്ധുക്കൾ എന്നിവർ നൽകുന്ന സമ്മർദം കുട്ടികളിൽ കൂടുതൽ ഭയമുണ്ടാക്കുകയും ചെയ്യും. എന്നാൽ മാർക്കിനെക്കുറിച്ചോ ഫലത്തെക്കുറിച്ചോ ഓർത്ത് വിദ്യാർത്ഥികൾ വേവലാതിപ്പെടരുത്. നിങ്ങളുടെ ഭാഗത്തുനിന്നും പരമാവധി പരിശ്രമിക്കണം. ആശയങ്ങൾ മനസ്സിലാക്കി സിലബസിന് അനുസൃതമായി പഠിക്കണം. ഒപ്പം വിനോദത്തിനും ആരോഗ്യസംരക്ഷണത്തിനും സമയം കണ്ടെത്തണം.

സിലബസിനെക്കുറിച്ച് വ്യക്തമായ ധാരണയുണ്ടെങ്കിൽ പഠനത്തിനായുള്ള തയ്യാറെടുപ്പിനുള്ള ആദ്യ പടി പൂർത്തിയാകും.

കേരള ബോർഡ് SSLC പരീക്ഷ 2023; ഫലപ്രഖ്യാപനം 

വിദ്യാർത്ഥികൾ, രക്ഷിതാക്കൾ, സ്‌കൂൾ അധികൃതർ എന്നിവർ ആകാംഷയോടെ കാത്തിരിക്കുന്ന ഒന്നാണ് പത്താം ക്ലാസ് പരീക്ഷാ ഫലം. വിദ്യാർത്ഥികളെ സംബന്ധിച്ചിടത്തോളം തുടർപഠനത്തിനുള്ള സീറ്റുകൾ നേടുന്നതിന് SSLC പരീക്ഷാ ഫലം ഏറെ പ്രധാനപ്പെട്ടതാണ്. പരീക്ഷയ്ക്കായി ഓരോ വിദ്യാർത്ഥിയും തങ്ങളാൽ കഴിയുന്നത്ര നന്നായി പഠിക്കുകയും ചോദ്യ പേപ്പറിലെ ചോദ്യങ്ങളെ ആത്മവിശ്വാസത്തോടെയും മനഃസാന്നിധ്യത്തോടെയും നേരിടുകയും വേണം. എന്നാൽ അതുപോലെതന്നെ പ്രധാനമാണ് പരീക്ഷാഫലത്തെക്കുറിച്ച് ഓർത്ത് അമിതമായി ആശങ്കപ്പെടാതിരിക്കുക എന്നതും. 

പഠനസമയത്ത് ഓരോ ആശയത്തെയും ഉൾക്കൊണ്ട് അവയുടെ പ്രാധാന്യം മനസ്സിലാക്കി വേണം പഠിക്കാൻ. മാർക്ക് മാത്രം ലക്ഷ്യം വച്ച് പഠിക്കരുത്. അറിവ് നേടാനുള്ള ജിജ്ഞാസയാണ് പഠനത്തെ കൂടുതൽ രസകരമാക്കുന്നത്. ഇത്തരത്തിൽ പഠിക്കുന്ന വിദ്യാർത്ഥികൾ പരീക്ഷയെ ഭയക്കേണ്ടതില്ല. മാർക്കിനെയോ ഗ്രേഡിനെയോ കുറിച്ചോർത്ത് ആശങ്കപ്പെടേണ്ടിയും വരില്ല. പഠിച്ച കാര്യങ്ങൾ പരീക്ഷാപേപ്പറിൽ വ്യക്തമായി എഴുതി തങ്ങൾക്ക് വിഷയത്തിന്മേലുള്ള പ്രാവീണ്യം തെളിയിക്കാനുള്ള വേദിയായിമാത്രം പരീക്ഷയെ കാണുക. ഈ രീതിയിൽ പഠനത്തെ സമീപിക്കുന്ന വിദ്യാർത്ഥിക്ക് ഉന്നത വിജയം ഉറപ്പ്.

ഫലപ്രഖ്യാപനം 

കേരള ബോർഡ് SSLC പരീക്ഷാ ഫലം, കേരള ബോർഡ് ഓഫ് പബ്ലിക് എക്സസാമിനേഷൻസ് (KBPE) ആണ് പുറത്തുവിടുന്നത്. 2023, ജൂൺ മാസത്തോടുകൂടി ഫലം പ്രഖ്യാപിക്കപ്പെടും. പരീക്ഷാ ഫലം ലഭിക്കുന്നതിനായി ഔദ്യോഗിക വെബ്‌സൈറ്റായ keralaresults.nic.in സന്ദർശിക്കാം. www.result.kite.kerala.gov.in എന്ന വെബ്‌സൈറ്റിലും ഫലങ്ങൾ ലഭ്യമാകും. റോൾ നമ്പർ, ജനനതീയതി എന്നിവ നൽകി ലോഗിൻ ചെയ്ത് ഫലമറിയാം. ഓൺലൈൻ പരീക്ഷാഫലത്തിൽ മാർക്ക്, ഗ്രേഡ്, ജയം/തോൽവി എന്നിവ അറിയാൻ സാധിക്കും.

ഫല പ്രഖ്യാപനം; പ്രധാന വിവരങ്ങൾ 

FAQ’s 

ചോ1.കേരള ബോർഡ് SSLC 2023 എഴുതാനുള്ള യോഗ്യതാ മാനദണ്ഡങ്ങൾ എന്തെല്ലാം?

• ഒമ്പതാം ക്ലാസ് പരീക്ഷ വിജയിച്ച ഗവണ്മെന്റ്/എയ്ഡഡ്/ അൺഎയ്ഡഡ് (അംഗീകൃത) സ്‌കൂളുകളിൽ പഠിച്ച വിദ്യാർത്ഥികൾക്ക് കേരള ബോർഡ് SSLC പരീക്ഷ 2023 എഴുതാം 
• കേരള ബോർഡ് SSLC പരീക്ഷ 2023 എഴുതുന്നതിനായി വിദ്യാർത്ഥിക്ക് പത്താം ക്ലാസ് അധ്യയന വർഷത്തിൽ മതിയായ അറ്റന്റൻസ് ഉണ്ടായിരിക്കണം.
• നിലവിലെ അധ്യയന വർഷത്തിലെ എല്ലാ കുടിശ്ശികകളും ഒടുക്കിയിരിക്കണം 

ചോ2.പ്രൈവറ്റ് ആയി എസ്എസ്എൽസി പരീക്ഷ എഴുതാൻ കഴിയുമോ?

ഉ2.കേരള ബോർഡ് ഓഫ് പബ്ലിക് എക്സാമിനേഷൻ നിർദ്ദേശിക്കുന്ന നിബന്ധനകൾക്ക് വിധേയമായി പ്രൈവറ്റ് വിദ്യാർത്ഥിയായി കേരള എസ്എസ്എൽസി പരീക്ഷ എഴുതാവുന്നതാണ്.

ചോ3.ഒൻപതാം ക്ലാസ് പരീക്ഷ പാസായാൽ കേരള എസ്എസ്എൽസി പരീക്ഷ എഴുതാൻ യോഗ്യതയുണ്ടോ?

ഉ3. KBPE അംഗീകൃത സ്കൂളിൽ റെഗുലറായി പഠിച്ച് ഒൻപതാം ക്ലാസ് പരീക്ഷ വിജയിക്കുകയും പത്താം ക്ലാസ് പരീക്ഷയ്ക്ക് സ്കൂൾ മുഖാന്തരം അപേക്ഷ സമർപ്പിക്കുകയും ചെയ്യുന്ന വിദ്യാർത്ഥിക്ക് കേരള SSLC പരീക്ഷ എഴുതാം.

ചോ4. എനിക്ക് പതിനാല് വയസ് പൂർത്തിയായി. കേരള എസ്എസ്എൽസി പരീക്ഷ എഴുതാനാവുമോ?

ഉ4. പരീക്ഷ എഴുതാൻ ഉദ്ദേശിക്കുന്ന വർഷത്തെ മാർച്ച് മാസം ഒന്നിനെ അടിസ്ഥാനമാക്കി പതിനാല് വയസ് പൂർത്തിയായാൽ കേരള എസ്എസ്എൽസി പരീക്ഷ എഴുതാൻ യോഗ്യനാണ്.