കേരള ബോർഡ് SSLC പരീക്ഷ 2023: നോട്ടിഫിക്കേഷൻ

കേരള SSLC പരീക്ഷ എന്നത് ഏതൊരു വിദ്യാർഥിയുടെയും വിദ്യാഭ്യാസ ജീവിതത്തിലെ വഴിത്തിരിവാണ്. പലപ്പോഴും ഒരു വിദ്യാർത്ഥിയുടെ ഭാവി തീരുമാനിക്കാൻ തക്ക ശേഷിയുള്ള പരീക്ഷയാണ്, കേരള SSLC പരീക്ഷ. അതിനാൽ തന്നെ ഈ പരീക്ഷയെ ഒരു കുട്ടിക്കളിയായി നമുക്ക് കാണാൻ സാധ്യമല്ല. പത്താം ക്ലാസ് തുടങ്ങുമ്പോൾ തന്നെ നാം വിദ്യാർത്ഥികളെ ഇതിനായി തയ്യാറെടുപ്പിക്കേണ്ടി ഇരിക്കുന്നു. അതിനാൽ തന്നെ കേരള ബോർഡ് ക്ലാസ് 10  പരീക്ഷയുടെ നോട്ടിഫിക്കേഷൻ ലഭിക്കുക എന്നത് വളരെ പ്രാധാന്യമേറിയ കാര്യമാണ്. പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്ക് പരീക്ഷയെ കുറിച്ചുള്ള അറിയിപ്പ് ലഭിക്കുക വഴി അതിനായുള്ള മുന്നൊരുക്കങ്ങൾ ചെയ്യാൻ സാധിക്കുന്നു. 

കേരള പരീക്ഷാഭവൻ SSLC 2023 പരീക്ഷയുടെ നോട്ടിഫിക്കേഷൻ ബോർഡിന്റെ വെബ്‌സൈറ്റിൽ റിലീസ് ചെയ്യുന്നതായിരുക്കും. പരീക്ഷയെ സംബന്ധിച്ച എല്ലാ വിവരങ്ങളും ഈ നോട്ടിഫിക്കേഷനിൽ ഉൾപെടുത്തിയിരിക്കും. പരീക്ഷയുടെ പാറ്റേൺ, യോഗ്യതാ മാനദണ്ഡങ്ങൾ, ആപ്ലിക്കേഷൻ സമർപ്പിക്കുമ്പോൾ ശ്രദ്ധിക്കേണ്ട കാര്യങ്ങൾ, മൂല്യനിർണയം,പുനർമൂല്യ നിർണയം എന്നിവയെ സംബന്ധിക്കുന്ന വിവരങ്ങൾ, പ്രാക്ടിക്കൽ പരീക്ഷയെക്കുറിച്ചുള്ള വിവരങ്ങൾ,പ്രധാന തീയതികൾ, പാസിംഗ് മാർക്കുകൾ, ഗ്രേഡിംഗ് മാനദണ്ഡങ്ങൾ എന്നിങ്ങനെ അനേകം വിവരങ്ങൾ നോട്ടിഫിക്കേഷനിൽ ഉണ്ടായിരിക്കും.

ഔദ്യോഗിക വെബ്സൈറ്റ് ലിങ്ക്

പ്രവേശനം, പരീക്ഷ രജിസ്ട്രേഷൻ, അഡ്മിറ്റ് കാർഡ്, പരീക്ഷാ തീയതി, ഫലങ്ങൾ മുതലായ എല്ലാ പഠന സംബന്ധിയായ അന്വേഷണങ്ങളുടെയും ഔദ്യോഗിക വെബ്സൈറ്റായ pareekshabhavan.kerala.gov.in യിൽ നൽകിയിരിക്കുന്നു.  

SSLC കേരള ബോർഡ് പരീക്ഷ സംഗ്രഹം 

1 മുതൽ 12 വരെയുള്ള ക്ലാസ്സുകളിലേക്കുള്ള ഔദ്യോഗിക സ്‌കൂൾ തല വിദ്യാഭ്യാസം നൽകുന്ന സംസ്ഥാനത്തിൻ്റെ പ്രാഥമിക വിദ്യാഭ്യാസ സ്ഥാപനമാണ് കേരള പൊതു പരീക്ഷാ ബോർഡ് (കെബിപിഇ). കേരളത്തിലെ സെക്കൻഡറി വിദ്യാഭ്യാസ മന്ത്രാലയത്തിന് കീഴില്‍ പ്രവർത്തിക്കുന്ന സ്ഥാപനമാണ് KBPE. പാഠ്യപദ്ധതിയുടെ വികസനം, പഠന പദ്ധതികൾ രൂപപ്പെടുത്തൽ, ടെസ്റ്റുകളുടെ നടത്തിപ്പ്, മാർഗനിർദേശവും സഹായവും നൽകൽ തുടങ്ങിയവയിൽ KBPE സജീവമായി പങ്കെടുക്കുന്നു. “വിദ്യാഭ്യാസം ഏവർക്കും”’ എന്ന ടാഗ്‌ലൈനിലൂടെ, അവഗണിക്കപ്പെടുന്ന സാമൂഹിക-സാമ്പത്തിക, മത വിഭാഗങ്ങളിലേക്ക് എത്തിച്ചേരാൻ KBPE ശ്രമിക്കുന്നു.

KBPE എല്ലാ വർഷവും മാർച്ച് മാസത്തിലോ അതിനടുത്തോ ഒരു വാർഷിക പരീക്ഷ നടത്തുന്നു. ഭാഷ I, ഭാഷ II, ഗണിതശാസ്ത്രം, രസതന്ത്രം, ഊര്‍ജതന്ത്രം, ജീവശാസ്ത്രം, സാമൂഹ്യശാസ്ത്രം, IT (ഇന്‍ഫര്‍മേഷന്‍ ടെക്നോളജി) പ്രാക്ടിക്കലുകൾ എന്നീ വിഷയങ്ങള്‍ക്കാണ് പത്താം ക്ലാസ് പരീക്ഷ നടത്തുന്നത്. പരീക്ഷ പാസാകുന്നതിന്, വിദ്യാർത്ഥികൾ ഓരോ വിഷയത്തിലും കുറഞ്ഞത് 35% എങ്കിലും സ്കോർ ചെയ്തിരിക്കണം.

കേരള ബോർഡ് ക്ലാസ് 10 പരീക്ഷ പാറ്റേൺ 2023

KBPE പത്താം ക്ലാസ് ചോദ്യപേപ്പറുകളില്‍ സാധാരണ താഴെപ്പറയുന്ന തരത്തിലുള്ള ചോദ്യങ്ങളാണ് ഉൾക്കൊള്ളുന്നത്:

ഒരു തിയറി പരീക്ഷയുടെ സമയദൈർഘ്യം 80 മാർക്കുള്ള പേപ്പറുകൾക്ക് 2.5 മണിക്കൂറും 40 മാർക്കുള്ള പേപ്പറുകൾക്ക് 1.5 മണിക്കൂറുമാണ്. ഓരോ പരീക്ഷയുടെയും തുടക്കത്തിൽ, ചോദ്യപേപ്പറിലും ഉത്തരക്കടലാസിലും വിശദാംശങ്ങൾ പൂരിപ്പിക്കാനും നിർദ്ദേശങ്ങൾ വ്യക്തമായി വായിക്കാനുമായി 15 മിനിറ്റ് അനുവദിച്ചിരിക്കുന്നു. തിയറി പരീക്ഷയിലും പ്രാക്ടിക്കൽ പരീക്ഷയിലും നെഗറ്റീവ് മാർക്കില്ല.

SSLC പരീക്ഷാ കലണ്ടർ 

2022-23 അധ്യയന വർഷത്തേക്ക് ഉള്ള SSLC കേരള പരീക്ഷാ ടൈംടേബിൾ   ഡിസംബർ മാസത്തിലോ അതിനു അടുത്ത മാസത്തിലോ KBPE പ്രസിദ്ധീകരിക്കും. പത്താം ക്ലാസ് പരീക്ഷകൾ മാർച്ച് മാസത്തിലോ അതിനടുത്തോ നടക്കും.

2022-23 അധ്യയന വർഷത്തെ KBPE പുറത്തിറക്കിയ പത്താം ക്ലാസ് പരീക്ഷാ ടൈംടേബിൾ. കൂടുതൽ വിവരങ്ങൾക്ക് താഴെയുള്ള പട്ടിക പരിശോധിക്കുക.

പരീക്ഷാ തിയ്യതി നേരത്തേ അറിയുക വഴി വിദ്യാർത്ഥികൾക്ക് അതിനായി തയ്യാറെടുക്കാനും വളരെ എളുപ്പമാണ്.

ശ്രവണ വൈകല്യമുള്ള വിദ്യാർത്ഥികൾക്കുള്ള കേരള എസ്എസ്എൽസി ടൈംടേബിൾ 

കേരള പരീക്ഷാഭവൻ ഉദ്യോഗസ്ഥർ ഭിന്നശേഷിയുള്ള വിദ്യാർത്ഥികൾക്കായി പ്രത്യേക പത്താം ക്ലാസ് ടൈംടേബിൾ പുറത്തിറക്കി. അതേ കുറിച്ചു അറിയാൻ താഴെയുള്ള പട്ടിക പരിശോധിക്കുക

തെരഞ്ഞെടുപ്പ് പ്രക്രിയ 

ഒമ്പതാം ക്ലാസ് പരീക്ഷയിൽ വിജയിച്ച വിദ്യാർത്ഥികൾക്ക് കേരള ബോർഡ് പരീക്ഷയ്ക്ക് രജിസ്റ്റർ ചെയ്യാൻ അർഹതയുണ്ട്. പത്താം ക്ലാസില്‍ രജിസ്റ്റര്‍ ചെയ്ത എല്ലാ വിദ്യാർത്ഥികൾക്കും KBPE പരീക്ഷകൾ നടത്തുന്നു. ഓരോ വിഷയത്തിലും  കുറഞ്ഞത് 35% സ്കോർ ചെയ്യുന്ന വിദ്യാർത്ഥിയെ പത്താം ക്ലാസ് കേരള സ്റ്റേറ്റ് ബോർഡ് പരീക്ഷയിൽ വിജയിയായി കണക്കാക്കുന്നു.

പരീക്ഷയുടെ ഘട്ടങ്ങൾ 

കേരള ബോർഡ് പരീക്ഷകൾ പേന-പേപ്പർ അടിസ്ഥാനമാക്കിയുള്ളതാണ്. ഇൻഫർമേഷൻ ടെക്‌നോളജി ഒഴികെയുള്ള എല്ലാ വിഷയങ്ങൾക്കും തിയറി പേപ്പർ മാത്രമാണുള്ളത്. ഇൻഫർമേഷൻ ടെക്‌നോളജി  പ്രാക്ടിക്കലിനെ അടിസ്ഥാനമാക്കിയുള്ളതാണ്. 

SSLC 2023 കേരള ബോർഡ് പരീക്ഷാ സിലബസ് 

ഉറപ്പുള്ള ഒരു അടിത്തറ ഇല്ലാതെ ഒരു കെട്ടിട്ടം നമുക്ക് പണിയാൻ സാധ്യമല്ല. അത് പോലെ തന്നെ ആണ് വ്യക്തമായ ഒരു സിലബസ് ഇല്ലാതെ ഒരു അധ്യയന വർഷം തുടങ്ങുന്നതും. സിലബസ് വിദ്യാഭ്യാസ സമ്പ്രദായത്തിന്റെ നട്ടെല്ല് ആണ് എന്ന് നമുക്ക് പറയാം. അതില്ലാതെ ഒരു അധ്യയന വർഷവും  മുൻപോട്ടു പോകില്ല. 

വിദ്യാർത്ഥികൾ തങ്ങളുടെ സിലബസ് അറിഞ്ഞിരിക്കേണ്ടത് വളരെ അത്യാവശ്യമാണ്.  പ്രത്യേകിച്ചും കേരള ബോർഡ് ക്ലാസ് 10 വിദ്യാർത്ഥികൾ. സിലബസിനെ കുറിച്ചുള്ള അഗാധമായ അവഗാഹം ഒരു വിദ്യാർഥിയെ പരീക്ഷയിൽ ഉയർന്ന മാർക്ക് വാങ്ങാൻ സഹായിക്കുന്നു. സിലബസിനെ കുറിച്ച് അറിയുക വഴി ഒരു വിദ്യാർത്ഥിക്ക് തൻ്റെ പരീക്ഷയ്ക്കായി നന്നായി തയ്യാറെടുക്കാൻ സാധിക്കുന്നു. 

കേരള ബോർഡ് ക്ലാസ് 10 സിലബസ് കേരള പൊതു പരീക്ഷാ ബോർഡാണ് തീരുമാനിക്കുന്നത്, എന്നാൽ വിദ്യാർത്ഥികൾക്ക് അവരുടെ ഒന്നാം ഭാഷയും രണ്ടാം ഭാഷയും തിരഞ്ഞെടുക്കാനുള്ള സ്വാതന്ത്ര്യമുണ്ട്. കേരള ബോർഡ് ക്ലാസ് 10 ലെ വിഷയങ്ങളുടെ ലിസ്റ്റ് ഇതാ.

SSLC 2023 പരീക്ഷ തയ്യാറെടുപ്പ് നുറുങ്ങുകൾ

• കേരള ബോർഡ് ക്ലാസ് 10 എസ്എസ്എൽസി സിലബസ് മനഃപാഠമാക്കുക.
• മാർകിങ് സ്കീം പരിശോധിച്ച് പഠിക്കുന്നതിനുള്ള പ്രധാന വിഷയങ്ങൾ ഹൈലൈറ്റ് ചെയ്യുക.
• KBPE SCERT പുസ്തകങ്ങളിൽ നിന്ന് പഠിക്കുമ്പോൾ, കുറിപ്പുകൾ ഉണ്ടാക്കാൻ ശ്രമിക്കുക – ഇത് നിങ്ങളുടെ വ്യക്തിഗത ഉത്തരങ്ങൾ എഴുതാനുള്ള അവസരം നൽകുന്നു.
• നിങ്ങളുടെ സംശയങ്ങൾ എല്ലായ്‌പ്പോഴും കൃത്യസമയത്ത് പരിഹരിക്കുക.
• പത്താം ക്ലാസ് സാമ്പിൾ പേപ്പറുകളും മുൻവർഷത്തെ ചോദ്യപേപ്പറുകളും സോൾവ് ചെയ്യുക.

SSLC 2023 കേരള ബോർഡ് പരീക്ഷ എഴുതൽ തന്ത്രം

• ആദ്യ 15 മിനിറ്റിൽ ചോദ്യപേപ്പറിന്റെ തുടക്കത്തിൽ നൽകിയിരിക്കുന്ന നിർദ്ദേശങ്ങൾ ശ്രദ്ധാപൂർവ്വം പരിശോധിക്കുക.
• ഉത്തരക്കടലാസുകളിലെ പ്രധാന വിശദാംശങ്ങൾ ശരിയായി പൂരിപ്പിക്കുക.
• ചോദ്യപേപ്പർ ശ്രദ്ധാപൂർവ്വം പരിശോധിക്കുക, നിങ്ങൾക്ക് അബദ്ധത്തിൽ ചോദ്യങ്ങളൊന്നും നഷ്‌ടമാകുന്നില്ലെന്ന് ഉറപ്പാക്കുക.
• ഏതെങ്കിലും പ്രത്യേക സെക്ഷനിൽ, നിങ്ങൾക്ക് ഉത്തരങ്ങളെക്കുറിച്ച് ഉറപ്പില്ലെങ്കിൽ, സമയം പാഴാക്കരുത്.  നിങ്ങൾക്ക് പൂർണ്ണമായും ഉറപ്പുള്ളവ എഴുതുക.
• എല്ലാ ചോദ്യങ്ങളും എഴുതാൻ എപ്പോഴും ശ്രമിക്കുക.  ഒരു ചോദ്യവും എഴുതാതെ  വിടരുത്.  ഉത്തരം അറിയില്ലെങ്കിൽ ഊഹിച്ചു എഴുതുക.
• വൃത്തിയുള്ള കൈയക്ഷരത്തിൽ ഉത്തരങ്ങൾ എഴുതാൻ ശ്രമിക്കുക, സാധ്യമാകുന്നിടത്തെല്ലാം ഡയഗ്രാമുകളും ചാർട്ടുകളും ഉപയോഗിച്ച് ഉത്തരങ്ങൾ പിന്തുണയ്ക്കുക.
•  ബുള്ളറ്റ് പോയിന്റുകളിൽ ഉത്തരങ്ങൾ എഴുതുക, രണ്ട് ഖണ്ഡികകൾക്കിടയിൽ എല്ലായ്പ്പോഴും മതിയായ ഇടം നൽകുക.
• നിങ്ങൾക്ക് ഉറപ്പില്ലാത്ത ചോദ്യങ്ങൾ വായിച്ചും ഉത്തരം എഴുതിയും സമയം പാഴാക്കരുത്.
•  അന്തിമ ഉത്തരക്കടലാസ് സമർപ്പിക്കുന്നതിന് മുമ്പ് നിങ്ങളുടെ പേര്, റോൾ നമ്പർ, ഇൻവിജിലേറ്ററുടെ ഒപ്പ് എന്നിവ രണ്ടുതവണ പരിശോധിക്കുക.
•  പരീക്ഷാവേളയിൽ ഇൻവിജിലേറ്ററുടെ നിർദേശങ്ങൾ പ്രത്യേകം ശ്രദ്ധിക്കുക.
•  അവസാനമായി, ശാന്തത പാലിക്കുക, വെള്ളം കുടിച്ചു കൊണ്ട് ജലാംശം നിലനിർത്തുക.

പത്താം ക്ലാസ് കേരള സ്റ്റേറ്റ് ബോർഡ് പരീക്ഷകൾക്ക് ചെയ്യേണ്ടതും ചെയ്യരുതാത്തതും (Dos and Don’ts)

ചെയ്യേണ്ടവ  Dos 

• ശാന്തതയും ആത്മവിശ്വാസവും പുലർത്തുക.
• പരീക്ഷാ തീയതികൾ, സമയം, സ്ഥലം, ഇതുമായി ബന്ധപ്പെട്ട അറിയിപ്പുകൾ എന്നിവയെക്കുറിച്ച് ബോധാവാന്മാരായിരിക്കുക.
• കൂടുതൽ വിവരങ്ങൾക്കും പരീക്ഷയിലെ എന്തെങ്കിലും മാറ്റങ്ങൾക്കും ഔദ്യോഗിക ലിങ്കുകൾ പതിവായി പരിശോധിക്കുക.
• വിഷയത്തിൻ്റെ ബുദ്ധിമുട്ട് കണക്കിലെടുത്ത് പരീക്ഷയ്ക്ക് ഒരു റിവിഷൻ ടൈംടേബിൾ തയ്യാറാക്കുകയും അത് കർശനമായി പാലിക്കുകയും ചെയ്യുക.
• നിങ്ങളുടെ പരീക്ഷയ്‌ക്ക് തയ്യാറെടുക്കുന്നതിന് സിലബസിനെക്കുറിച്ച് സമഗ്രമായ അറിവ് ഉണ്ടായിരിക്കണം.
• ആശയങ്ങളെക്കുറിച്ച് വ്യക്തമായ ധാരണ ഉണ്ടായിരിക്കണം.
• ചോദ്യപേപ്പറിൻ്റെ ബ്ലൂപ്രിന്ൻ്റിനെ കുറിച്ച് സമഗ്രമായ ധാരണ ഉണ്ടായിരിക്കണം.
• നിങ്ങൾ പഠിച്ച എല്ലാ ആശയങ്ങളും റിവൈസ് ചെയ്യാന്‍ ശ്രമിക്കുക.
• പരീക്ഷാ സ്ഥലത്തേക്ക് നേരത്തെ എത്തിച്ചേരുക.
• അഡ്മിറ്റ് കാർഡും പരീക്ഷ എഴുതാൻ ആവശ്യമായ എല്ലാ സാമഗ്രികളും മുടങ്ങാതെ കരുതുക.
• മുൻവർഷങ്ങളിലെ ചോദ്യപേപ്പറുകളിൽ നിന്ന് മോക്ക് ടെസ്റ്റ് എഴുതുക.
• പരീക്ഷ ആരംഭിക്കുന്നതിന് മുമ്പ് ഉത്തരക്കടലാസിലും ചോദ്യപേപ്പറിലും നൽകിയിരിക്കുന്ന നിർദ്ദേശങ്ങൾ ശ്രദ്ധാപൂർവ്വം വായിക്കുക.
• പരീക്ഷയിൽ, നന്നായി അറിയാവുന്ന ചോദ്യങ്ങൾ ആദ്യം അറ്റെംമ്പ്റ്റ് ചെയ്യുക.
• ഉത്തരങ്ങള്‍ നല്ല രീതിയില്‍ അവതരിപ്പിക്കുന്നതിനായി പെൻസിലും സ്കെയിലും ഉപയോഗിച്ച് ഡയഗ്രങ്ങളും പട്ടികകളും വരയ്ക്കുക.
• കണക്കുകൂട്ടൽ സമയത്ത് പ്രത്യേകം ശ്രദ്ധിക്കുക.
• ഉത്തരക്കടലാസിലുടനീളം വ്യക്തമായ കൈയക്ഷരം നിലനിര്‍ത്തുക
• പേജിൻ്റെ ഇരുവശത്തും എഴുതുക, ഉത്തര പുസ്തകത്തിൽ നിന്ന് ഒരു പേജും കീറരുത്.
• ഉത്തര പുസ്തകത്തിലും ഓരോ സപ്ലിമെൻ്റ് ഷീറ്റിലും സൂപ്പർവൈസർ ഒപ്പിട്ടിട്ടുണ്ടെന്ന് ഉറപ്പാക്കുക., ഉപയോഗിച്ച സപ്ലിമെൻ്റ് ഷീറ്റുകളുടെ ശരിയായ എണ്ണം ഉത്തര പുസ്തകത്തിൻ്റെ കവർ പേജിൽ എഴുതുക. 
• സപ്ലിമെൻ്റ് ഷീറ്റിൻ്റെ അവസാന പേജിൽ പെൻസിൽ ഉപയോഗിച്ചാണ് റഫ് വർക്ക് ചെയ്യേണ്ടത്, അത് റഫ് വർക്ക് എന്ന് സൂചിപ്പിക്കുകയും വേണം.
• പരീക്ഷക്കിടയില്‍, നിങ്ങളുടെ ശാരീരികവും മാനസികവുമായ ആരോഗ്യത്തിന് കൂടുതൽ ശ്രദ്ധ നൽകുക. 

ചെയ്യരുതാത്തവ Don’ts

• ആശയങ്ങള്‍ മനസിലാക്കാതെ പഠിക്കുന്നത് ഒഴിവാക്കുക.
• പരീക്ഷ എഴുതുമ്പോൾ മറ്റുള്ളവരുടെ ഉത്തരങ്ങൾ പകർത്താൻ ശ്രമിക്കരുത്.
• പരീക്ഷ എഴുതുന്നതിന് തൊട്ടുമുമ്പ് പുതിയതായി എന്തെങ്കിലും പഠിക്കാൻ ശ്രമിക്കരുത്.
• കോപ്പിയടിക്കാൻ ചെറിയ കടലാസുകൾ കൊണ്ടുപോകുന്നത് നല്ലതല്ല, കാരണം ഇത് തുടര്‍ന്നു വരുന്ന പരീക്ഷകളില്‍ നിന്നും നിങ്ങളെ വിലക്കിയേക്കാം.
• അറിയിപ്പ് ലഭിക്കാതെ പരീക്ഷാഹാൾ വിട്ട് പുറത്ത് പോകരുത്.
• മൊബൈൽ ഫോണുകൾ, നോട്ടുബുക്കുകൾ, പേപ്പറുകൾ തുടങ്ങിയവ പരീക്ഷാ ഹാളിലേക്ക് കൊണ്ടുപോകരുത്.
• നിങ്ങളുടെ പരീക്ഷാ പ്രകടനത്തെ മറ്റ് വിദ്യാർത്ഥികളുമായി താരതമ്യം ചെയ്യരുത്; അത് നിങ്ങളെ നിരാശപ്പെടുത്തിയേക്കാം.
• പ്രധാന ഉത്തര ബുക്ക്‌ലെറ്റിൻ്റേയോ, അധികമായെടുക്കുന്ന ഉത്തര പുസ്തകത്തിൻ്റേയോ ഭൂപടത്തിൻ്റേയോ ഗ്രാഫ് ഷീറ്റിൻ്റേയോ ഒരു പേജിലും വ്യക്തിഗത വിശദാംശങ്ങൾ എഴുതരുത്.

FAQs

ചോ1. കേരള എസ്.എസ്.എൽ.സി പരീക്ഷാ നോട്ടിഫിക്കേഷൻ എപ്പോൾ പുറത്തു വിടും?

ഉ1. കേരള ബോർഡ് എസ്എസ്എൽസി പരീക്ഷാ സംബന്ധമായ നോട്ടിഫിക്കേഷൻ ജനുവരി- ഫെബ്രുവരി മാസങ്ങളിലായി ഔദ്യോഗിക വെബ്സൈറ്റിൽ ലഭ്യമാകും.

ചോ2. കേരള ബോർഡ് പത്താം ക്ലാസ് നോട്ടിഫിക്കേഷൻ അറിയുന്നതിനുള്ള ഔദ്യോഗിക വെബ്സൈറ്റ് ഏതാണ്?

ഉ2.pareekshabhavan.kerala.gov.in

ചോ3.കേരള ബോർഡ് പത്താം ക്ലാസ് പരീക്ഷാ നോട്ടിഫിക്കേഷനിൽ പരീക്ഷാ സംബന്ധമായ എല്ലാ കാര്യങ്ങളും ഉൾപ്പെടുത്തിയിട്ടുണ്ടോ?

ഉ3. പരീക്ഷാ രജിസ്ട്രേഷൻ വിവരങ്ങൾ, ഫീസ്, പരീക്ഷാ തീയതി,സമയക്രമം, വിഷയങ്ങൾ തുടങ്ങിയവയെല്ലാം നോട്ടിഫിക്കേഷനിൽ ഉൾപ്പെടുത്തിയിട്ടുണ്ടാകും.

കേരള ബോർഡ് SSLC പരീക്ഷ നോട്ടിഫിക്കേഷൻ എന്നതിനെക്കുറിച്ചുള്ള ഏറ്റവും പുതിയ വാർത്തകൾക്കും അപ്‌ഡേറ്റുകൾക്കുമായി Embibe-ൽ തുടരുക. www.embibe.com എന്നതിലെ ഈ ലേഖനം നിങ്ങൾക്ക് സഹായകരമാണെന്ന് ഞങ്ങൾ പ്രതീക്ഷിക്കുന്നു. ഇത്തരം കൂടുതൽ പഠന സാമഗ്രികൾക്കായി Embibeൽ തുടരുക.