കേരള SSLC സാമ്പിൾ പേപ്പർ 2023: പരിശീലനം തുടങ്ങൂ

10TH സ്റ്റാൻഡേർഡ് സാമ്പിൾ ചോദ്യപേപ്പർ 2023

Practice makes man perfect എന്നൊരു ഇംഗ്ലീഷ് ചൊല്ലുണ്ട്. എന്ത് കാര്യവും എത്രത്തോളം പരിശീലിക്കുന്നുവോ അത്രത്തോളം മികച്ചതായിരിക്കും അതിൻ്റെ ഫലം എന്നാണ് സാരാംശം. പരീക്ഷയുടെ കാര്യത്തിൽ ഇത് തികച്ചും ശരിയാണെന്ന് പറയേണ്ടതില്ലല്ലോ.

പഠനത്തോടൊപ്പം തന്നെ സാമ്പിൾ ചോദ്യ പേപ്പറുകൾ പരിശീലിക്കുന്നത് മികച്ച മാർക്ക് സ്കോർ ചെയ്യാനുള്ള ഏറ്റവും നല്ല മാർഗമാണ്. പത്താം ക്ലാസ് പരീക്ഷക്ക് തയ്യാറെടുക്കുന്നവർക്ക് പരിശീലനത്തിനായി കേരള എസ്എസ്എൽസി സാമ്പിൾ പേപ്പർ 2023 ഇവിടെ നൽകിയിരിക്കുന്നു. വിദ്യാർത്ഥികൾക്ക് സൗജന്യമായി ഡൗൺലോഡ് ചെയ്യാവുന്നതാണ്.

സാമ്പിൾ ചോദ്യ പേപ്പർ ഡൗൺലോഡ് ചെയ്യാം

സാമ്പിൾ പേപ്പറും പരീക്ഷാ പാറ്റേണും

സാമ്പിൾ ചോദ്യ പേപ്പർ പരിശീലിക്കുന്നതോടൊപ്പം പരീക്ഷാ പാറ്റേണിനെ കുറിച്ച് മനസിലാക്കുന്നത് വളരെയധികം ഗുണം ചെയ്യും. ഓരോ വിഷയത്തിനും ഏതെല്ലാം തരത്തിലാണ് മാർക്ക് വിതരണം ചെയ്യുന്നത്, പഠനത്തിനായി എത്ര സമയം ചിലവഴിക്കണം, പരീക്ഷാ സമയത്ത് ഓരോ ചോദ്യത്തിനും എത്ര സമയം ചിലവഴിക്കണം, ആകെയുള്ള പരീക്ഷാ സമയം ഫലപ്രദമായി എങ്ങനെ ഉപയോഗപ്പെടുത്താം എന്നിങ്ങനെയുള്ള കാര്യങ്ങൾക്ക് വ്യക്തത നൽകാൻ പരീക്ഷാ പാറ്റേണിന് സാധിക്കും. ഈ കാര്യങ്ങൾ മനസിലാക്കി സാമ്പിൾ ചോദ്യ പേപ്പർ പരിശീലിക്കുന്നതായിരിക്കും ഏറ്റവും ഫലപ്രദം.

പരീക്ഷയ്ക്ക് തയ്യാറെടുക്കുന്ന ഓരോ വിദ്യാർത്ഥിയും അതാത് വിഷയത്തിൻ്റെ ചോദ്യപാറ്റേൺ കൃത്യമായി മനസ്സിലാക്കുകയാണ് വേണ്ടത്. ഔദ്യോഗിക വെബ്സൈറ്റായ https://pareekshabhavan.kerala.gov.in/ ൽ പ്രസിദ്ധികരിച്ചിട്ടുള്ള ഏറ്റവും പുതിയ മാതൃകാ ചോദ്യപേപ്പറുകൾ പരിശോധിക്കാം. ഓരോ സെക്ഷനിലും എത്ര മാർക്ക്, ചോയ്സ് എന്നിവയെ കുറിച്ച് കൃത്യമായി അറിഞ്ഞിരിക്കുക.

സാമ്പിൾ പേപ്പർ പരിശീലനത്തോടൊപ്പം ശ്രദ്ധിക്കേണ്ട കാര്യങ്ങൾ

സിലബസ് മനസ്സിലാക്കാൻ ശ്രമിക്കുക

മികച്ചൊരു സ്ട്രാറ്റജി ഓരോ വിഷയത്തിൻ്റെയും പഠനത്തിനായി തയ്യാറാക്കാം. പരീക്ഷയുടെ പാറ്റേണിനെക്കുറിച്ച് മനസ്സിലാക്കുന്നതിന് പുറമെ കേരള ബോർഡ് നൽകിയിരിക്കുന്ന സിലബസ് നന്നായി പഠിക്കുക. കൃത്യമായ സ്റ്റഡി പ്ലാനിലൂടെ സിലബസിലെ എല്ലാ ഭാഗങ്ങളും കവർ ചെയ്യാൻ സമയം കണ്ടെത്തണം. 

പാഠ പുസ്തകത്തിലെ ഒരു ഭാഗവും ഒഴിവാക്കരുത്. ഈ പുസ്തകത്തിൽ നൽകിയിരിക്കുന്ന ചോദ്യങ്ങളെ ചുറ്റിപ്പറ്റിയായിരിക്കും ചോദ്യങ്ങളെല്ലാം.

സാമ്പിൾ പേപ്പർ എങ്ങനെ ലഭിക്കും 

എല്ലാ അധ്യയന വർഷവും കേരള ബോർഡ് തങ്ങളുടെ ഔദ്യോഗിക വെബ്സൈറ്റിൽ എല്ലാ വിഷയങ്ങളുടെയും മാതൃകാ ചോദ്യപേപ്പറുകൾ പ്രസിദ്ധീകരിക്കാറുണ്ട്. അതുകൊണ്ട് തന്നെ സാമ്പിൾ പേപ്പറുകൾ നന്നായി മനസ്സിലാക്കി വർക്കൗട്ട് ചെയ്യുക,  https://pareekshabhavan.kerala.gov.in/  സന്ദർശിച്ച് ചോദ്യപേപ്പറുകൾ സൗജന്യമായി ഡൗൺലോഡ് ചെയ്ത് പ്രാക്ടീസ് ചെയ്യാവുന്നതാണ്.

കുറിപ്പുകൾ തയ്യാറാക്കുക

എല്ലാ വിഷയങ്ങളിലും മികച്ച പ്രകടനം കാഴ്ച്ചവെക്കാൻ പഠനത്തോടൊപ്പം കുറിപ്പുകൾ തയ്യാറാക്കുന്നത് നല്ലതാണ്. പ്രത്യേകിച്ച് കണക്ക് പോലുള്ള ബുദ്ധിമുട്ടുള്ള വിഷയങ്ങളിൽ ഇത് ഉപകരിക്കും. ഇവ കുറിച്ചിടാനായി ഒരു ചെറിയ നോട്ട് ബുക്ക് മാറ്റിവെക്കാം. അവസാനവട്ട തയ്യാറെടുപ്പുകളിൽ ഇത് ഏറെ പ്രയോജനകരമാണ്

സ്വന്തം ടൈംടേബിൾ തയ്യാറാക്കുക

നിങ്ങളുടെ സൗകര്യത്തിനനുസരിച്ച് ഒരു ടൈംടേബിൾ തയ്യാറാക്കാം. എല്ലാ വിഷയങ്ങൾക്കും തുല്ല്യ പ്രാധാന്യം നൽകുന്നതായിരിക്കണം ടൈംടേബിൾ. ഭക്ഷണ സമയവും വിശ്രമ സമയവുമെല്ലാം ഇതിൽ ക്രമീകരിക്കുക. കണക്ക് നിങ്ങൾക്ക് ബുദ്ധിമുട്ടുള്ള വിഷയമാണെങ്കിൽ കൂടുതൽ സമയം അതിനായി ചെലവഴിക്കുക.

സംശയങ്ങൾ ചോദിച്ചു തന്നെ മനസ്സിലാക്കാം

കണക്ക് പഠിച്ചു തുടങ്ങുന്ന ഒരാൾക്ക് ഉറപ്പായും സംശയങ്ങളുണ്ടാകാം. ചില ചോദ്യങ്ങൾ സോൾവ് ചെയ്യുമ്പോൾ പാതി വഴിയിൽ തടസം നേരിടുക എന്നത് സ്വാഭാവികമായ കാര്യമാണ്. ഒരു സ്റ്റെപ്പ് പോലും മുന്നോട്ട് പോകാൻ സാധിച്ചില്ലെങ്കിൽ സമയം പാഴാക്കാതെ അധ്യാപകരുടെ സഹായം തേടാം. അല്ലെങ്കിൽ മുതിർന്ന വിദ്യാർത്ഥികളോട് ചോദിക്കാം.

സിലബസ് അറിഞ്ഞിരിക്കേണ്ടതിൻ്റെ പ്രാധാന്യം

സിലബസിനെക്കുറിച്ച് വ്യക്തമായ ധാരണയുണ്ടെങ്കിൽ പഠനത്തിനായുള്ള തയ്യാറെടുപ്പിനുള്ള ആദ്യ പടി പൂർത്തിയാകും. പഠനത്തിനും പ്രാക്ടീസിനുമുള്ള മാർഗ്ഗരേഖയാണ് സിലബസ്. പത്താം ക്ലാസ് പരീക്ഷക്ക് തയ്യാറെടുക്കുന്നതോടൊപ്പം കേരള ബോർഡ് പത്താം ക്ലാസ് സിലബസ് വ്യക്തമായി മനസിലാക്കാം.  

കേരള ബോർഡ് 10TH സ്റ്റാൻഡേർഡ് ഇംഗ്ലീഷ് സിലബസ്(Kerala board SSLC English Syllabus) 

Unit I –  Glimpses of Green 

Prose 

•  Adventures in a Banyan Tree – Ruskin Bond (Short Story) 
• The Snake and the Mirror – Vaikom Muhammad Basheer (Short Story) 

Poem

• Lines Written in Early Spring – William Wordsworth 

Unit II – The Frames

Prose 

• Project Tiger – Satyajit Ray (Memoir) 
• My Sister’s Shoes – Majid Majidi (Screenplay) 

Song 

• Blowin’ in the Wind – Bob Dylan (Song)

Unit III – Lore of Values

Prose

• The Best Investment I Ever Made – A J Cronin (Anecdote)
• The Danger of a Single Story – Chimamanda Ngozi Adichie (Speech) 

Poem 

• The Ballad of Father Gilligan – William Butler Yeats

Unit IV –  Flights of Fancy

Prose 

• The Scholarship Jacket – Marta Salinas (Short Story) 
• The Never-Never Nest – Cedric Mount (One-Act Play) 

Poem 

• Poetry – Pablo Neruda

Unit V – Ray of Hope

Prose 

• Vanka – Anton Chekhov (Short Story) 
• The Castaway – Rabindranath Tagore (Short Story) 

Poem 

• Mother to Son – James Mercer Langston Hughes

കേരള ബോർഡ് 10TH സ്റ്റാൻഡേർഡ് ഇംഗ്ലീഷ് ഗ്രാമർ സിലബസ്(Kerala board SSLC English grammar syllabus) 

• അധ്യായം 1  : Reading Comprehension
• അധ്യായം 2  : Punctuation 
• അധ്യായം 3  : Writing 
• അധ്യായം 4  : Pronoun
• അധ്യായം 5  : Adjective  
• അധ്യായം 6 : Verb 

• അധ്യായം 7     : Conjunction  
• അധ്യായം 8     : Tenses 
• അധ്യായം 9     : Sentences  
• അധ്യായം 10   : Transformations of Sentences 
• അധ്യായം 11   : Vocabulary 

കേരള ബോർഡ് 10TH സ്റ്റാൻഡേർഡ് സാമൂഹ്യശാസ്ത്രം സിലബസ് (Kerala board class 10 Social Science syllabus) 

സാമൂഹ്യ ശാസ്ത്രം l –ഭാഗം 1 

• അധ്യായം 1  : ലോകത്തെ സ്വാധീനിച്ച വിപ്ലവങ്ങൾ 
• അധ്യായം 2  : ലോകം ഇരുപതാം നൂറ്റാണ്ടിൽ 
• അധ്യായം 3  : പൊതുഭരണം 
• അധ്യായം 4  : ബ്രിട്ടീഷ് ചൂഷണവും ചെറുത്തുനിൽപ്പുകളും 
• അധ്യായം 5  : സംസ്കാരവും ദേശീയതയും 
• അധ്യായം 6 : സമരവും സ്വാതന്ത്ര്യവും 

ഭാഗം 2  

• അധ്യായം 7     : സ്വാതന്ത്ര്യാനന്തര ഇന്ത്യ 
• അധ്യായം 8     : കേരളം ആധുനികതയിലേക്ക് 
• അധ്യായം 9     : രാഷ്ട്രവും രാഷ്ട്രതന്ത്ര ശാസ്ത്രവും  
• അധ്യായം 10   : പൗരബോധം 
• അധ്യായം 11   : സമൂഹശാസ്ത്രം: എന്ത്? എന്തിന്?

സാമൂഹ്യ ശാസ്ത്രം ll  –ഭാഗം 1 

• അധ്യായം 1  : ഋതുഭേദങ്ങളും സമയവും 
• അധ്യായം 2  : കാറ്റിന്റെ ഉറവിടം തേടി 
• അധ്യായം 3  : മാനവശേഷി വികസനം ഇന്ത്യയിൽ 
• അധ്യായം 4  : ഭൂതല വിശകലനം ഭൂപടങ്ങളിലൂടെ 
• അധ്യായം 5  : പൊതുചെലവും പൊതുവരുമാനവും 

ഭാഗം 2  

• അധ്യായം 6     :ആകാശക്കണ്ണുകളും അറിവിന്റെ വിശകലനവും  
• അധ്യായം 7     :വൈവിധ്യങ്ങളുടെ ഇന്ത്യ  
• അധ്യായം 8     :ഇന്ത്യ – സാമ്പത്തിക ഭൂമിശാസ്ത്രം 
• അധ്യായം 9     :ധനകാര്യ സ്ഥാപനങ്ങളും സേവനങ്ങളും 
• അധ്യായം 10   :ഉപഭോക്താവ്:സംതൃപ്തിയും സംരക്ഷണവും 

കേരള ബോർഡ് 10TH സ്റ്റാൻഡേർഡ് മലയാളം സിലബസ്(Kerala board SSLC Malayalam syllabus) 

അടിസ്ഥാന പാഠാവലി 

യൂണിറ്റ് 1 – ജീവിതം പടർത്തുന്ന വേരുകൾ 

• പ്ലാവിലക്കഞ്ഞി 
• ഓരോ വിളിയും കാത്ത് 
• അമ്മത്തൊട്ടിൽ 

യൂണിറ്റ് 2 – നിലാവ് പെയ്യുന്ന നാട്ടുവഴികൾ 

• കൊച്ചുചക്കരച്ചി 
• ഓണമുറ്റത്ത് 
• കോഴിയും കിഴവിയും 
• ശ്രീനാരായണഗുരു 

യൂണിറ്റ് 3 – വാക്കുകൾ വിടരുന്ന പുലരികൾ 

• പത്രനീതി 
• പണയം 
• അമ്മയുടെ എഴുത്തുകൾ 

കേരള പാഠാവലി 

ഭാഗം -1 

യൂണിറ്റ് 1 – കാലാതീതം കാവ്യവിസ്മയം 

• ലക്ഷ്‌മണസാന്ത്വനം 
• ഋതുയോഗം 
• പാവങ്ങൾ 

യൂണിറ്റ് 2 – അനുഭൂതികൾ ആവിഷ്കാരങ്ങൾ 

• വിശ്വരൂപം 
• പ്രിയദർശനം 
• കടൽത്തീരത്ത് 

ഭാഗം-2 

യൂണിറ്റ് 3 – സംഘർഷങ്ങൾ സങ്കീർത്തനങ്ങൾ 

• പ്രലോഭനം 
• യുദ്ധത്തിന്റെ പരിണാമം 
• ആത്മാവിന്റെ വെളിപാടുകൾ 

യൂണിറ്റ് 4  – വാക്കുകൾ സർഗതാളങ്ങൾ 

• അക്കർമാശി 
• ഞാൻ കഥാകാരനായ കഥ 
• അശ്വമേധം 

യൂണിറ്റ് 5  – കലകൾ കാവ്യങ്ങൾ 

• ഉരുളക്കിഴങ്ങ് തിന്നുന്നവർ 
• മൈക്കെലാഞ്ജലോ, മാപ്പ് 

കേരള ബോർഡ് പത്താം ക്ലാസ് ഗണിതശാസ്ത്രം സിലബസ്(Kerala board SSLC Mathematics syllabus) 

• അധ്യായം 1       : സമാന്തര ശ്രേണികൾ
• അധ്യായം 2       : വൃത്തങ്ങൾ
• അധ്യായം 3       : സാധ്യതകളുടെ ഗണിതം
• അധ്യായം 4       : രണ്ടാം കൃതി സമവാക്യങ്ങൾ 
• അധ്യായം 5       : ത്രികോണമിതി 
• അധ്യായം 6       : സൂചകസംഖ്യകൾ
• അധ്യായം 7       : തൊടുവരകൾ 

• അധ്യായം 8       : ഘനരൂപങ്ങൾ 
• അധ്യായം 9       : ജ്യാമിതിയും ബീജഗണിതവും 
• അധ്യായം 10     : ബഹുപദങ്ങൾ
• അധ്യായം 11     : സ്ഥിതിവിവരക്കണക്ക്

കേരള ബോർഡ് 10TH സ്റ്റാൻഡേർഡ് ശാസ്ത്രം സിലബസ്: ഊര്‍ജതന്ത്രം, രസതന്ത്രം, ജീവശാസ്ത്രം

കേരള ബോർഡ് ശാസ്ത്രത്തെ മൂന്ന് വ്യത്യസ്ത വിഷയങ്ങളായി തിരിച്ചിട്ടുണ്ട്, അതായത്, ഊര്‍ജതന്ത്രം, രസതന്ത്രം, ജീവശാസ്ത്രം എന്നിങ്ങനെ. ഓരോ വിഷയത്തിൻ്റേയും സിലബസ് ചുവടെ ചേർക്കുന്നു.

കേരള ബോർഡ് 10TH സ്റ്റാൻഡേർഡ് ഊര്‍ജതന്ത്രം സിലബസ് (Kerala board SSLC Physics syllabus) 

• അധ്യായം 1       : വൈദ്യുതപ്രവാഹത്തിൻ്റെ ഫലങ്ങള്‍
• അധ്യായം 2       : വൈദ്യുതകാന്തികഫലം
• അധ്യായം 3       : വൈദ്യുതകാന്തികപ്രേരണം
• അധ്യായം 4       : പ്രകാശത്തിൻ്റെ പ്രതിപതനം 
• അധ്യായം 5       : പ്രകാശത്തിൻ്റെ അപവർത്തനം 
• അധ്യായം 6       : കാഴ്ചയും വർണങ്ങളുടെ ലോകവും
• അധ്യായം 7       : ഊര്‍ജപരിപാലനം 

കേരള ബോർഡ് 10TH സ്റ്റാൻഡേർഡ് രസതന്ത്രം സിലബസ് (Kerala board SSLC Chemistry syllabus) 

• അധ്യായം 1       : പീരിയോഡിക് ടേബിളും ഇലക്ട്രോണ്‍ വിന്യാസവും
• അധ്യായം 2       : വാതക നിയമങ്ങളും മോള്‍ സങ്കൽപ്പനവും
• അധ്യായം 3       : ക്രിയാശീലശ്രേണിയും വൈദ്യുത രസതന്ത്രവും
• അധ്യായം 4       : ലോഹനിര്‍മാണം
• അധ്യായം 5       : അലോഹസംയുക്തങ്ങൾ 
• അധ്യായം 6       : ഓര്‍ഗാനിക് സംയുക്തങ്ങളുടെ നാമകരണവും                          ഐസോമെറിസവും               
• അധ്യായം 7       : ഓർഗാനിക് സംയുക്തങ്ങളുടെ രാസപ്രവർത്തനങ്ങൾ 

കേരള ബോർഡ് 10TH സ്റ്റാൻഡേർഡ് ജീവശാസ്ത്രം സിലബസ് (Kerala board SSLC Biology syllabus) 

• അധ്യായം 1       : അറിയാനും പ്രതികരിക്കാനും
• അധ്യായം 2       : അറിവിന്‍റെ വാതായനങ്ങള്‍
• അധ്യായം 3       : സമസ്ഥിതിക്കായുള്ള രാസസന്ദേശങ്ങള്‍
• അധ്യായം 4       : അകറ്റിനിര്‍ത്താം രോഗങ്ങളെ 
• അധ്യായം 5       : പ്രതിരോധത്തിൻ്റെ കാവലാളുകള്‍
• അധ്യായം 6       : ഇഴപിരിയുന്ന ജീവിതരഹസ്യങ്ങള്‍
• അധ്യായം 7       : നാളെയുടെ ജനിതകം 
• അധ്യായം 8       : ജീവൻ പിന്നിട്ട പാതകൾ 

സിലബസിലെ ഫോക്കസ് ആൻ്റ് നോൺഫോക്കസ് ഏരിയയെ കുറിച്ച് മനസിലാക്കി പഠിക്കുന്നത് നിങ്ങൾക്ക് കൂടുതൽ മാർക്ക് സ്കോർ ചെയ്യാൻ ഉപകാരപ്പെടും.

FAQs
ചോ1. എല്ലാ വിഷയത്തിലും സാമ്പിൾ ചോദ്യ പേപ്പർ ലഭ്യമാണോ?

ഉ1.SSLCയ്ക്ക് പഠിക്കേണ്ട എല്ലാ വിഷയത്തിലും സാമ്പിൾ ചോദ്യ പേപ്പർ ലഭ്യമാണ്. കേരള പരീക്ഷാ ബോർഡിൻ്റെ ഔദ്യോഗിക വെബ്സൈറ്റിൽ നിന്നും ഇവ നിങ്ങൾക്ക് സൗജന്യമായി ഡൗൺലോഡ് ചെയ്യാം.

ചോ2.ഒന്നിലധികം സാമ്പിൽ ചോദ്യ പേപ്പർ ലഭിക്കാൻ എന്ത് ചെയ്യണം.

ഉ2.കേരള പരീക്ഷാ ബോർഡിൻ്റെ ഔദ്യോഗിക വെബ്സൈറ്റ് സന്ദർശിച്ചാൽ എല്ലാ വിഷയത്തിൻ്റേയും സാമ്പിൾ ചോദ്യ പേപ്പർ നിങ്ങൾക്ക് ലഭിക്കും. ഇവ നിങ്ങൾക്ക് പരിശീലനത്തിനായി ഉപയോഗപ്പെടുത്താം.

ചോ3.സാമ്പിൾ ചോദ്യ പേപ്പർ പരിശീലിച്ചാൽ ഉയർന്ന മാർക്ക് നേടാനാകുമോ.

ഉ3.സിലബസ് മുഴുവൻ കവർ ചെയ്യുന്ന തരത്തിലായിരിക്കണം നിങ്ങളുടെ പഠനം. അതോടൊപ്പം സാമ്പിൾ ചോദ്യ പേപ്പർ പരിശീലിക്കുക കൂടിയാണെങ്കിൽ പരീക്ഷാ ക്രമം, പാറ്റേൺ, പ്രധാനപ്പെട്ട ഭാഗങ്ങൾ എന്നിവയെ കുറിച്ചുള്ള വ്യക്തമായ ധാരണ നിങ്ങൾക്ക് ലഭിക്കും. ഉയർന്ന മാർക്ക് നേടാനുള്ള മികച്ച മാർഗ്ഗമാണിത്.

ചോ4.ഫോക്കസ് ഏരിയ കണക്കാക്കിയാണോ സാമ്പിൾ ചോദ്യ പേപ്പർ ഉണ്ടാവുക?

ഉ4. ഫോക്കസ് ഏരിയക്ക് മുൻ തൂക്കം നൽകിയായിരിക്കും സാമ്പിൾ ചോദ്യ പേപ്പറിൽ ചോദ്യങ്ങൾ നൽകുക.

ചോ5. എസ്എസ്എൽസി സാമ്പിൾ ചോദ്യ പേപ്പർ പരിശീലിച്ചാൽ പരീക്ഷാ പാറ്റേൺ മനസിലാക്കാൻ കഴിയുമോ?

ഉ5. തീർച്ചയായും. എസ്എസ്എൽസി പരീക്ഷാ പാറ്റേൺ, ചോദ്യങ്ങളുടെ രീതി എന്നിവ മനസിലാക്കുന്നതിനുള്ള ഏറ്റവും മികച്ച മാർഗമാണ് സാമ്പിൾ ചോദ്യ പേപ്പർ പരിശീലനം.

കേരള SSLC സാമ്പിൾ പേപ്പർ 2023 എന്നതിനെക്കുറിച്ചുള്ള ഏറ്റവും പുതിയ വാർത്തകൾക്കും അപ്‌ഡേറ്റുകൾക്കുമായി Embibe-ൽ തുടരുക. www.embibe.com എന്നതിലെ ഈ ലേഖനം നിങ്ങൾക്ക് സഹായകരമാണെന്ന് ഞങ്ങൾ പ്രതീക്ഷിക്കുന്നു. ഇത്തരം കൂടുതൽ പഠന സാമഗ്രികൾക്കായി Embibeൽ തുടരുക.