महाराष्ट्र बोर्ड इयत्ता दहावी 2023 परीक्षेचा नोंदणी अर्ज

महाराष्ट्र बोर्ड इयत्ता दहावी 2023 नोंदणी अर्ज: ज्याप्रमाणे प्रत्येक परीक्षेस पात्र ठरण्याकरिता अर्ज भरणे आवश्यक असते, त्याचप्रमाणे इयत्ता दहावीच्या बोर्ड परीक्षेकरिता देखील अर्ज भरणे अवश्यक असते. आपला अर्ज मंडळाकडून ग्राह्य धरला गेला तरच आपण परीक्षेस पात्र ठरता. बोर्ड परीक्षेच्या अर्जामध्ये कोणकोणत्या गोष्टीची काळजीपूर्वक दखल घेतली गेली पाहिजे, तसेच हा अर्ज कुठे उपलब्ध होईल, तो भरण्याची पद्धती कशी आहे, यांसारख्या अन्य महत्त्वाच्या मुद्द्यांबद्दल माहिती आम्ही या लेखात दिलेली आहे. 

अधिकतर विद्यार्थी हे आपल्या शाळेद्वारे परीक्षेस बसत असतात. इयत्ता 10 वी मधील सर्व विद्यार्थ्यांकडून अचूक अर्ज भरून घेण्यापासून ते विद्यार्थ्यांना हॉल तिकिट देण्यापर्यंतची जबाबदारी ही शाळेकडे सोपवलेली असते.

महाराष्ट्र बोर्ड इयत्ता दहावी 2023: परीक्षेविषयी

महाराष्ट्र राज्य माध्यमिक आणि उच्च माध्यमिक शिक्षण मंडळ पुणे यांच्यातर्फे वेगवेगळ्या नऊ विभागांच्या अंतर्गत इयत्ता 10 वी च्या विद्यार्थ्यांसाठी परीक्षेचे आयोजन केले जाते. बोर्डद्वारे वर्षातून दोन वेळा अंतिम परीक्षा घेतली जाते. प्रत्येक वर्षी, 17 लाखाहून अधिक विद्यार्थी SSC परीक्षेसाठी बसतात. महाराष्ट्र बोर्डद्वारे अंदाजे ऑक्टोबर 2022 मध्ये 2022-23 या शैक्षणिक सत्रातील परीक्षेच्या सूचना जाहीर करण्यात येतील. शेवटच्या क्षणी होणारा ताण कमी करण्यासाठी, विद्यार्थ्यांनी तारखांची नोंद घेऊन ठेवली पाहिजे आणि सर्व प्रक्रिया वेळेवर पूर्ण केली पाहिजे.

महाराष्ट्र बोर्ड इयत्ता दहावी परीक्षेचा नोंदणी अर्ज भरण्याची – महत्त्वपूर्ण माहिती

जे विद्यार्थी महाराष्ट्र बोर्डतून इयत्ता दहावीच्या परीक्षेला बसणार आहेत, त्यांनी इयत्ता  10 वी च्या परीक्षेचा नोंदणी अर्ज भरला पाहिजे. हे लक्षात ठेवले पाहिजे की, बोर्डच्या अधिकार्‍यांनी निर्दिष्ट केलेल्या अंतिम तारखेस किंवा त्यापूर्वी हा अर्ज योग्य अधिकार्‍यांकडून प्राप्त केला पाहिजे. महाराष्ट्र माध्यमिक शिक्षण मंडळ लवकरच 2023 च्या SSC च्या परीक्षेसाठी अर्ज भरण्याच्या तारखा जाहीर करणार आहे. बोर्डच्या अधिकृत वेबसाइटवर, अंदाजे ऑक्टोबर 2022 मध्ये अर्ज भरण्याच्या तारखा जाहीर केल्या जातील. अंतिम तारखेनंतर नोंदणी अर्ज दाखल करणार्‍या अर्जदाराला अर्जाच्या शुल्का व्यतिरिक्त विलंब शुल्क भरावे लागेल.

नवीन अपडेटनुसार, खाजगी विद्यार्थ्यांसाठी इयत्ता 10 ची ऑनलाइन नोंदणी लवकरच सुरू होईल. परीक्षा देण्यासाठी, खाजगी विद्यार्थ्यांनी (शाळेत न जाता परीक्षा देणाऱ्या विद्यार्थ्यांनी) अर्ज क्रमांक 17 भरणे आवश्यक असते. नोंदणी प्रक्रिया पूर्ण करण्यासाठी, विद्यार्थ्यांना मंडळाने निश्चित केलेले शुल्क (नोंदणी आणि प्रक्रिया शुल्क) भरावे लागेल. तसेच जर दिलेल्या मुदतीनंतर अर्ज भरल्यास विलंब शुल्क भरून आपला अर्ज दाखल करावा लागेल याव्यतिरिक्त, विद्यार्थी ऑनलाइन शुल्क भरण्यासाठी http://form17.mh-hsc.ac.in/ ला भेट देऊ शकतात.

महाराष्ट्र बोर्ड इयत्ता दहावी 2023- परीक्षेच्या नोंदणीसाठी आवश्यक कागदपत्रे

विद्यार्थ्यांनी बोर्डने निर्दिष्ट केलेल्या अंतिम तारखेपर्यंत SSC साठी अर्ज दाखल केले पाहिजेत. अर्जाची प्रक्रिया सुरू करण्यापूर्वी खालील सर्व कागदपत्रे/माहिती तयार ठेवावी. विद्यार्थ्यांनी अर्जावरील सर्व तपशील काळजीपूर्वक भरले पाहिजेत, जेणेकरून अंतिम अर्जामध्ये कोणतीही त्रुटी राहणार नाही. अर्ज भरण्यासाठी खालील कागदपत्रे आवश्यक आहेत:

• आधार कार्ड
• मोबाईल नंबर 
• ईमेल आयडी
• फोटोची स्कॅन केलेली प्रत
• स्कॅन केलेली स्वाक्षरी

टीप: पुढील संपर्कासाठी ईमेल आयडी आणि फोन नंबर देणे आवश्यक आहे. अर्ज दाखल केल्यानंतर विद्यार्थ्यांना त्यांच्या नोंदणीकृत ईमेल आयडीवर अर्ज सबमिट झाल्याचे पुष्टीकरण करणारा ईमेल प्राप्त होईल.

महाराष्ट्र बोर्ड इयत्ता दहावीचा नोंदणी अर्ज कसा डाऊनलोड करता येईल?

महाराष्ट्र बोर्डची SSC परीक्षेचा अर्ज भरण्याची प्रक्रिया खाली दिलेली आहे. अर्ज उपलब्ध झाल्यानंतर, तो डाऊनलोड करण्यासाठी विद्यार्थ्यांनी प्रत्येक पायऱ्यांचे काळजीपूर्वक अनुसरण केले पाहिजे:

पायरी 1: “महाराष्ट्र बोर्ड” यांच्या mahahsscboard.in  या अधिकृत वेबसाइट वर जा.

पायरी 2: होम पेजवर, “नवीनतम सूचना” विभागाअंतर्गत असलेल्या “SSC मार्च-2023 रिक्त अर्ज” या लिंकवर क्लिक करा.

पायरी 3: रिक्त अर्ज PDF असलेली नवीन विंडो उघडेल.

पायरी 4: रिक्त अर्जाची प्रिंट काढा.

पायरी 5: महत्त्वाच्या सूचना वाचून झाल्यानंतर काळजीपूर्वक अर्ज भरा. 

पायरी 6: अर्ज व्यवस्थितपणे पूर्ण भरल्यानंतर, विद्यार्थ्याचा फोटो लावा आणि “मी नियम आणि बोर्डने वेळोवेळी प्रसारित केलेल्या सर्व सूचनांचे पालन करण्याची सहमती देत आहे.” या विधानास संमती दर्शवून रेकॉर्डवर स्वाक्षरी करा.

नमूना अर्ज : https://mahahsscboard.in/HAPPL_SSC_M15.pdf

महाराष्ट्र बोर्ड SSC परीक्षेच्या नोंदणी अर्जासाठी आवश्यक असणाऱ्या तपशीलामध्ये चुका होऊ नयेत यासाठी अर्ज काळजीपूर्वक भरला पाहिजे. 

इयत्ता दहावीच्या नोंदणी अर्जामध्ये खालील माहिती प्रविष्ट केली पाहिजे:

• अनुक्रमांक
• विद्यार्थ्याचा आयडी
• अर्ज क्रमांक
• विद्यार्थ्याचे आडनाव
• विद्यार्थ्याचे पहिले नाव
• आईचे नाव
• निवासी पत्ता
• मोबाईल क्रमांक
• जन्मस्थान
• जन्मतारीख
• लिंग
• सूचनांचे माध्यम
• परीक्षार्थ्याचा प्रकार
• विषयाचा तपशील
• दावा केलेल्या सूटची एकूण संख्या
• नाव नोंदणी प्रमाणपत्र क्रमांक (खाजगी विद्यार्थ्यांसाठी)

टीप:

• विद्यार्थ्यांनी शाळा प्रशासनाद्वारे स्वाक्षरी केलेल्या आणि शिक्का मारलेल्या अर्जाची प्रत स्वतः जवळ बाळगली पाहिजे.
• दिव्यांग विद्यार्थ्यांनी नोंदणीकृत डॉक्टरांकडून मिळवलेले अपंगत्वाची टक्केवारी दर्शविणारे प्रमाणपत्र अर्जासोबत जोडले पाहिजे.

परीक्षा कक्षामध्ये प्रवेश करण्यासाठी सर्व विद्यार्थ्यांकडे हॉल तिकीट असणे आवश्यक आहे. विद्यार्थ्यांकडे हॉल तिकीट नसल्यास त्यांना परीक्षेला बसू दिले जाणार नाही. दरवर्षी नोव्हेंबरमध्ये बोर्डद्वारे हॉल तिकीटचे वितरण करण्यात येते, विद्यार्थी त्यांच्या संबंधित शाळांमधून हे मिळवू शकतात. हॉल तिकीट प्राप्त झाल्यानंतर त्यावर दिलेली सर्व माहिती तपासून पहा. हॉल तिकीटमधील कोणत्याही माहितीमध्ये चूक आढळल्यास शाळेच्या योग्य अधिकाऱ्याकडे यासंबंधी कळवा.

महाराष्ट्र बोर्ड इयत्ता दहावी 2023- परीक्षेची तारीख

महाराष्ट्र बोर्ड इयत्ता दहावी परीक्षेच्या तारखेची अद्याप घोषणा झालेली नाही. परंतु दरवर्षी ही परीक्षा मार्च महिन्याच्या सुरुवातीला घेण्यात येते. या परीक्षेसंबंधी कोणत्याही सूचना महाराष्ट्र राज्य माध्यमिक आणि उच्च माध्यमिक शिक्षण मंडळाकडून प्राप्त झाल्यास आम्ही आपल्याला सूचित करू.  

महाराष्ट्र बोर्ड इयत्ता दहावी 2023 परीक्षेचा नोंदणी अर्ज – वारंवार विचारले जाणारे प्रश्न

प्र 1. महाराष्ट्र बोर्ड इयत्ता 10 वी परीक्षा 2023 अर्ज नोंदणी कधी सुरू होईल?

उत्तर. महाराष्ट्र बोर्ड इयत्ता दहावीच्या परीक्षेच्या नोंदणी अर्जाच्या तारखेची अद्याप घोषणा झालेली नाही, परंतु  बोर्डच्या अधिकृत वेबसाइटवर, अंदाजे ऑक्टोबर महिन्यात अर्ज भरण्याच्या तारखा जाहीर केल्या जातात.

प्र 2. महाराष्ट्र बोर्ड SSC इयत्ता 10 वी परीक्षा 2023 अर्ज नोंदणीची अंतिम तारीख काय आहे?

उत्तर. महाराष्ट्र बोर्ड इयत्ता दहावीच्या परीक्षेच्या नोंदणी अर्जाच्या अंतिम तारखेची अद्याप घोषणा झालेली नाही. या परीक्षेसंबंधी कोणत्याही सूचना महाराष्ट्र राज्य माध्यमिक आणि उच्च माध्यमिक शिक्षण मंडळाकडून प्राप्त झाल्यास आम्ही आपल्याला आमच्या www.embibe.com या वेबसाइटमार्फत सूचित करू.  

प्र 3. महाराष्ट्र बोर्ड SSC इयत्ता 10 वी परीक्षा 2023 चा अर्ज डाऊनलोड कसा करावा?

उत्तर. महाराष्ट्र बोर्डच्या अधिकृत वेबसाइट वरून विद्यार्थ्यांना इयत्ता 10 वी परीक्षा 2023 चा अर्ज डाऊनलोड करता येईल.

प्र 4. आपण परीक्षेस पात्र आहोत हे आम्हाला कसे समजेल?

उत्तर. जर आपल्या अर्जामध्ये काही त्रुटी असतील, तर बोर्डद्वारे संबंधित शाळेला कळविण्यात येते. तसेच आपण परीक्षेस पात्र असल्यास आपल्या सर्व माहितीसह आपल्या नावाचे हॉल तिकिट आपल्याला देण्यात येईल.

प्र 5. महाराष्ट्र बोर्ड इयत्ता 10 वी प्रात्यक्षिक परीक्षेचे प्रवेशपत्र केव्हा मिळेल?

उत्तर. महाराष्ट्र बोर्ड इयत्ता 10 वी प्रात्यक्षिक परीक्षेचे प्रवेशपत्र मंडळाच्या अधिकृत वेबसाइटवर सूचना आल्यावर उपलब्ध होईल.

प्र 6. महाराष्ट्र बोर्ड इयत्ता दहावीची परीक्षा कधी सुरू होईल?

उत्तर. महाराष्ट्र बोर्ड इयत्ता 10 वी च्या परीक्षेची तारीख लवकरच जाहीर करण्यार येईल. परंतु दरवर्षी ही परीक्षा मार्च महिन्याच्या सुरुवातीला घेण्यात येते.

आम्हाला आशा आहे की, “महाराष्ट्र बोर्ड इयत्ता दहावी 2023 परीक्षेचा नोंदणी अर्ज” या टॉपिकवरील ब्लॉग आपल्याकरिता मदतशील ठरला असेल. महाराष्ट्र बोर्ड इयत्ता 10 वी बद्दलची नवीन माहिती आणि अपडेट जाणून घेण्यासाठी Embibe च्या संपर्कात रहा.