महाराष्ट्र बोर्ड इयत्ता दहावी 2023 – परीक्षेच्या नवीनतम सूचना

परीक्षेच्या नवीनतम सूचना : महाराष्ट्र बोर्ड इयत्ता 10 वी ची परीक्षा हा प्रत्येकाकरिता एक महत्त्वपूर्ण टप्पा असतो. विद्यार्थी आपल्या शालेय कालावधीमध्ये पहिल्यांदाच अशा मोठ्या परीक्षेची तयारी करत असतात. परिणामी एक वर्षापूर्वीपासूनच याची तयारी सुरू होत असते. शिक्षण मंडळामार्फत वेळोवेळी जाहीर करण्यात येणार्‍या सूचनांकडे शिक्षक, विद्यार्थी आणि पालकांचे लक्ष असणे आवश्यक असते. परीक्षेचे वेळापत्रक, नोंदणी अर्ज भरण्यासंदर्भातील तारखा, हॉल तिकीट मिळण्यासंदर्भातील तारखा, यांसारख्या महत्त्वाच्या तारखा शिक्षण मंडळ आपल्या अधिकृत वेबसाइटवर जाहीर करत असते. 

महाराष्ट्र बोर्ड इयत्ता दहावी 2023 – परीक्षेविषयी

महाराष्ट्र राज्यातील इयत्ता 10 वी च्या प्रश्नपत्रिका, महाराष्ट्र राज्य माध्यमिक आणि उच्च माध्यमिक शिक्षण मंडळ निश्चित करत असते. बोर्डद्वारे वर्षातून दोन वेळा अंतिम परीक्षा घेतली जाते. प्रत्येक वर्षी, 17 लाखाहून अधिक विद्यार्थी SSC परीक्षेसाठी बसतात. महाराष्ट्र बोर्ड अंदाजे ऑक्टोबर 2022 मध्ये 2022-23 या शैक्षणिक सत्रात घेण्यात येणाऱ्या परीक्षेची सूचना जाहीर करणार आहे. शेवटच्या क्षणी होणारा ताण कमी करण्यासाठी, विद्यार्थ्यांनी तारखांची नोंद घेऊन ठेवली पाहिजे आणि सर्व प्रक्रिया वेळेवर पूर्ण केली पाहिजे.

महाराष्ट्र बोर्ड इयत्ता दहावी 2023- परीक्षेच्या नवीनतम सूचनांविषयी

महाराष्ट्र बोर्डच्या अधिकृत वेबसाइट वर आपल्याला ‘नवीनतम सूचना’ या शीर्षकाच्या अंतर्गत, मंडळामार्फत जाहीेर करण्यात येणार्‍या नव्या सूचना पाहायला मिळू शकतात. या भागामध्ये अभ्यासक्रम, पात्रता, नोंदणी अर्ज भरण्याची तारीख, हॉल तिकीट मिळण्याची तारीख, परीक्षेची तारीख, तारखांमध्ये करण्यात येणारे फेरबदल, परीक्षेचे स्वरूप, निकालाची तारीख सर्व मुख्याध्यपकांना तसेच विभागीय मंडळ स्तरावरील सर्व घटकांना मार्गदर्शक सूचना यांसारख्या महत्त्वाच्या सूचनांचा यामध्ये समावेश होतो. नवीनतम सूचनांतर्गत येणार्‍या मुद्द्यांविषयी थोडक्यात माहिती करून घेऊ:

• अभ्यासक्रम

2022-23 या सत्रासाठी महाराष्ट्र बोर्ड इयत्ता दहावी करीता आवश्यक असणाऱ्या सर्व विषयांच्या अभ्यासक्रमाच्या PDF खालील तक्त्यामध्ये दिलेल्या आहेत: 

शैक्षणिक वर्ष 2022-23 करीता महाराष्ट्र बोर्ड इयत्ता 10 वी चा संपूर्ण अभ्यासक्रम मिळवण्यासाठी https://www.mahahsscboard.in/sscsub.htm या लिंकवर क्लिक करा. बोर्डने  इतर काही भाषा शिकणे देखील अनिवार्य केले आहे, त्यांचे तपशील आपल्याला महाराष्ट्र बोर्डच्या अधिकृत वेबसाईट वर मिळतील. 

महाराष्ट्र बोर्ड इयत्ता दहावी, 2023 चा अभ्यासक्रम कसा डाऊनलोड करता येईल?

अधिकृत वेबसाईटवर अभ्यासक्रम प्रकाशित झाल्यानंतर, खाली दिलेल्या पायऱ्यांचे अनुसरण करून विद्यार्थी हा अभ्यासक्रम PDF स्वरूपात डाऊनलोड करू शकतात:

पायरी 1: महाराष्ट्र बोर्डच्या अधिकृत वेबसाईट mahahsscboard.in. ला भेट द्या.

पायरी 2: होम पेज वर असलेल्या “विषय आणि अभ्यासक्रम” या टॅबवर क्लिक करा.

पायरी 3: “SSC सामान्य विषय सांकेतिक क्रमांक आणि अभ्यासक्रम” या पर्यायावर क्लिक करा.

पायरी 4: PDF डाऊनलोड करण्यासाठी विद्यार्थ्यांना संबंधित विषयावर क्लिक करावे लागेल.

पायरी 5: भविष्यातील संदर्भासाठी PDF डाऊनलोड करा आणि सेव्ह करुन ठेवा.

• नोंदणी अर्ज भरण्याची तारीख:

जे विद्यार्थी महाराष्ट्र बोर्डमधून इयत्ता दहावीच्या परीक्षेला बसणार आहेत, त्यांनी इयत्ता 10 वी च्या परीक्षेचा नोंदणी अर्ज भरला पाहिजे. हे लक्षात ठेवले पाहिजे की, बोर्डच्या अधिकार्‍यांनी निर्दिष्ट केलेल्या अंतिम तारखेस किंवा त्यापूर्वी हा अर्ज योग्य अधिकार्‍यांकडून प्राप्त केला पाहिजे. महाराष्ट्र माध्यमिक शिक्षण मंडळ लवकरच 2023 च्या SSC परीक्षेसाठी नोंदणी अर्जाच्या तारखा जाहीर करणार आहे. बोर्डच्या अधिकृत वेबसाइटवर, अंदाजे ऑक्टोबर 2022 मध्ये अर्ज भरण्याच्या तारखा जाहीर केल्या जातील. अंतिम तारखेनंतर नोंदणी अर्ज दाखल करणार्‍या अर्जदाराला अर्जाच्या शुल्का व्यतिरिक्त विलंब शुल्क भरावे लागेल.

महाराष्ट्र बोर्ड इयत्ता दहावीचा नोंदणी अर्ज कसा डाऊनलोड करता येईल?

महाराष्ट्र बोर्ड SSC परीक्षेचा अर्ज भरण्याची प्रक्रिया खाली दिलेली आहे. अर्ज उपलब्ध झाल्यानंतर, तो डाऊनलोड करण्यासाठी विद्यार्थ्यांनी प्रत्येक पायऱ्यांचे काळजीपूर्वक अनुसरण केले पाहिजे:

पायरी 1: “महाराष्ट्र बोर्ड” यांच्या mahahsscboard.in  या अधिकृत वेबसाइट वर जा.

पायरी 2: होम पेजवर, “नवीनतम सूचना” विभागाअंतर्गत असलेल्या “SSC मार्च-2023 रिक्त अर्ज” या लिंकवर क्लिक करा.

पायरी 3: रिक्त अर्ज PDF असलेली नवीन विंडो उघडेल.

पायरी 4: रिक्त अर्जाची प्रिंट काढा.

पायरी 5: महत्त्वाच्या सूचना वाचून झाल्यानंतर काळजीपूर्वक अर्ज भरा. 

पायरी 6: अर्ज व्यवस्थितपणे पूर्ण भरल्यानंतर, विद्यार्थ्याचा फोटो लावा आणि “मी नियम आणि बोर्डने वेळोवेळी प्रसारित केलेल्या सर्व सूचनांचे पालन करण्याची सहमती देत आहे.” या विधानास संमती दर्शवून रेकॉर्डवर स्वाक्षरी करा.

नमूना अर्ज : https://mahahsscboard.in/HAPPL_SSC_M15.pdf

महाराष्ट्र बोर्ड SSC परीक्षेच्या नोंदणी अर्जासाठी आवश्यक असणाऱ्या तपशीलामध्ये चुका होऊ नयेत यासाठी अर्ज काळजीपूर्वक भरला पाहिजे. 

हॉल तिकीट

विद्यार्थी प्रवेशपत्र उपलब्ध झाल्यानंतर शाळांमार्फत किंवा वैयक्तिकरित्या, संबंधित यूजरनेम आणि पासवर्ड देऊन  डाऊनलोड करू शकतात. महाराष्ट्र राज्य माध्यमिक आणि उच्च माध्यमिक शिक्षण मंडळाच्या अधिकृत वेबसाइट वर प्रवेशपत्र परीक्षेच्या अंदाजे दोन महिने आधी उपलब्ध होते. प्रवेशपत्र डाऊनलोड करण्याच्या पायर्‍या खालीलप्रमाणे आहेत: 

1. महाराष्ट्र राज्य माध्यमिक आणि उच्च माध्यमिक शिक्षण मंडळाच्या अधिकृत वेबसाइटला भेट द्या https://www.mahahsscboard.in/
2. SSC परीक्षा निवडा.
3. नवीन विंडो उघडेल.
4. आपले यूजरनेम आणि पासवर्ड प्रविष्ट करा.
5. आवश्यक असणारा तपशील प्रविष्ट करा.
6.  तपशील प्रविष्ट केलेल्या विद्यार्थ्याचे प्रवेशपत्र आपल्या स्क्रिनवर दिसेल.
7. ‘डाऊनलोड’ या पर्यायावर क्लिक करा.
8. प्रवेशपत्र डाऊनलोड करून सेव्ह करा.
9. सेव्ह केलेल्या प्रवेशपत्राची प्रिंट आऊट काढा. 

महाराष्ट्र बोर्ड इयत्ता दहावीच्या प्रवेशपत्रावर नमूद असलेला तपशील:

आपल्याला मिळालेल्या प्रवेशपत्रावरील तपशील काळजीपूर्वक तपासून घेणे महत्त्वाचे आहे. आपल्या प्रवेशपत्रावर जो तपशील दिलेला असेल तोच तपशील, माध्यमिक शालान्त प्रमाणपत्रावर नमूद करण्यात येतो. जर काही कारणाने प्रवेशपत्रावरील तपशील चुकीचा असल्यास त्वरित आपल्या शिक्षकांमार्फत महाराष्ट्र राज्य माध्यमिक आणि उच्च माध्यमिक शिक्षण मंडळाशी संपर्क साधावा. 

प्रवेशपत्रावर नमूद असलेला तपशील पुढीलप्रमाणे:

1. विद्यार्थ्याचे नाव
2. आईचे/वडीलांचे नाव
3. इयत्ता 
4. परीक्षेचे नाव 
5. परीक्षेची तारीख
6. विषयांची नावे आणि त्याचे सांकेतिक क्रमांक  
7. बैठक क्रमांक
8. परीक्षेची वेळ 
9. परीक्षा केंद्राचा कोड
10. परीक्षा केंद्राचे नाव आणि पत्ता
11. परीक्षेकरिता आवश्यक त्या सूचना   
12. बोर्डचे नाव 
13. विद्यार्थ्याची स्वाक्षरी
14. विद्यार्थ्याचे छायाचित्र/ फोटो 
15. विद्यार्थ्याची जन्म तारीख

परीक्षेच्या तारखा:

महाराष्ट्र बोर्ड इयत्ता दहावीची परीक्षा ही मार्च आणि जुलै या दोन सत्रांमध्ये घेतली जाते. जुलै महिन्यात घेण्यात येणारी परीक्षा पुरवणी परीक्षा म्हणून ओळखली जाते. जे विद्यार्थी मार्च 2023 मध्ये घेण्यात येणाऱ्या परीक्षेत अनुत्तीर्ण होतील किंवा काही कारणास्तव ते ही परीक्षा देऊ शकणार नाही असे सर्व विद्यार्थी जुलै 2023 मध्ये घेण्यात येणाऱ्या पुरवणी परीक्षेला बसू शकतात. 

खालील तक्त्त्यात मार्च 2023 मुख्य परीक्षेच्या संबंधित महत्त्वाच्या तारखा दिलेल्या आहेत. 

खालील तक्त्त्यात जुलै 2023 पुरवणी परीक्षेच्या संबंधित महत्त्वाच्या तारखा दिलेल्या आहेत. 

महाराष्ट्र बोर्ड इयत्ता दहावी 2023- परीक्षेचे वेळापत्रक कसे डाऊनलोड करावे?

महाराष्ट्र बोर्डचे इयत्ता 10 वी च्या परीक्षेचे वेळापत्रक (timetable) हे महाराष्ट्र राज्य माध्यमिक आणि उच्च माध्यमिक शिक्षण मंडळाच्या अधिकृत वेबसाइटवर जाहीर करण्यात येते. https://www.mahahsscboard.in/indexmarathi.htm या लिंकवर क्लिक करून आपण वेळापत्रकाची PDF डाऊनलोड करू शकता. पुढील स्टेप्सचे अनुपालन करून विद्यार्थी इयत्ता 10 वी च्या मुख्य परीक्षेचे वेळापत्रक डाऊनलोड करू शकता: 

• महाराष्ट्र बोर्डच्या अधिकृत वेबसाइट वर जा: 

• नवीनतम सूचना विभागामधील, SSC 2023 चे वेळापत्रक या पर्यायावर क्लिक करा.
• महाराष्ट्र बोर्ड SSC परीक्षेचे वेळापत्रक हे PDF स्वरूपामध्ये उपलब्ध असते.
• मुख्य परीक्षेच्या दिवशी होणारा गोंधळ टाळण्याकरिता, वेळापत्रकामध्ये दिलेल्या सूचना आणि तारखा काळजीपूर्वक वाचा.
• मुख्य परीक्षेचे वेळापत्रक सहज पाहाण्याकरिता, जाहीर केलेल्या वेळापत्रकाच्या PDF ची प्रिंटआऊट काढून ठेवा. 

महाराष्ट्र बोर्ड इयत्ता दहावी 2023 परीक्षेच्या नवीनतम सूचना – वारंवार विचारले जाणारे प्रश्न

प्र 1. परीक्षेचे स्वरूप लक्षात घेणे का महत्त्वाचे आहे?

उत्तर. सर्व विषयांची परीक्षा ही समान गुणांकरिता घेतली जाते, परंतु प्रत्येक विषयानुसार विचारल्या जाणार्‍या प्रश्नांचे स्वरूप बदलते. परीक्षेच्या स्वरूपानुसाार अभ्यासाचे नियोजन केल्यास विद्यार्थ्यांना फायदेशीर ठरू शकते.

प्र 2. महाराष्ट्र बोर्ड इयत्ता दहावीसाठी अभ्यासक्रम कसा तपासायचा?

उत्तर. इयत्ता 10 वी ची परीक्षा महाराष्ट्र बोर्डद्वारे घेतली जाते त्यामुळे आपण महाराष्ट्र बोर्डच्या अधिकृत वेबसाईट वरून अभ्यासक्रम तपासला पाहिजे. परंतु Embibe वर सुद्धा आपल्याला इयत्ता 10 वी च्या अभ्यासक्रमाविषयी सविस्तर माहिती मिळेल. Embibe आपल्या परीक्षांसाठी उत्तम शैक्षणिक सामग्री प्रदान करते व तज्ञांनी तयार केलेल्या आकर्षक, 3D व्हिडिओंद्वारे आपल्याला शिकण्यास मदत करते.

प्र 3. विद्यार्थी महाराष्ट्र बोर्ड SSC चा निकाल कसा पाहू शकतात?

उत्तर. विद्यार्थ्यांनी अधिकृत वेबसाईटवर जाऊन महाराष्ट्र SSC चा निकाल तपासला पाहिजे. वेबसाईटवर गेल्यानंतर विद्यार्थ्यांना महाराष्ट्र SSC निकाल टॅबवर क्लिक करावे लागेल आणि अनिवार्य फील्डमध्ये आवश्यक ती माहिती प्रविष्ट करावी लागेल; जसे की, परीक्षा क्रमांक, जन्म तारीख इत्यादी, त्यानंतर ‘निकाल पहा’ वर क्लिक करावे लागेल.

प्र 4. महाराष्ट्र बोर्ड SSC परीक्षा 2023 चा टाइम टेबल मी कुठून डाऊनलोड करू?

उत्तर. विद्यार्थी महाराष्ट्र बोर्डच्या अधिकृत वेबसाइटला भेट देऊन मुख्य परीक्षेचा टाइम टेबल डाऊनलोड करू शकता. 

प्र 5. महाराष्ट्र बोर्ड इयत्ता दहावीची परीक्षा कधी सुरू होईल?

उत्तर. महाराष्ट्र बोर्ड इयत्ता 10 वी च्या परीक्षेची तारीख लवकरच जाहीर करण्यात येईल. परंतु दरवर्षी ही परीक्षा मार्च महिन्याच्या सुरुवातीला घेण्यात येते. 

आम्हाला आशा आहे की, “महाराष्ट्र बोर्ड इयत्ता दहावी 2023- परीक्षेच्या नवीनतम सूचना” या टॉपिकवरील ब्लॉग आपल्याकरिता उपयुक्त ठरला असेल. महाराष्ट्र बोर्ड इयत्ता 10 वी बद्दलची नवीन माहिती आणि अपडेट जाणून घेण्यासाठी Embibe च्या संपर्कात रहा.