ગુજરાત બોર્ડ ધોરણ 10 ની મહત્વપૂર્ણ તારીખો 2023: ગુજરાત SSC માટેની મહત્વપૂર્ણ તારીખોની સંપૂણ માહિતી મેળવો

ગુજરાત બોર્ડ ધોરણ 10 ની મહત્વપૂર્ણ તારીખો 2023: (Gujarat board Class 10 Important Dates 2023) ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, જેને GSEB તરીકે પણ ઓળખવામાં આવે છે, તે ગુજરાત સરકાર દ્વારા સંચાલિત શિક્ષણ બોર્ડ છે એટલે કે, ગુજરાત બોર્ડ 1972 માં અસ્તિત્વમાં આવ્યું અને તેનું મુખ્ય મથક ગાંધીનગર છે. ગુજરાત શિક્ષણ બોર્ડ દ્વારા ધોરણ 10 માટેની મહત્વની તારીખોની જાહેરાત કરવામાં આવી છે. જેની જાહેરાત ગુજરાત શિક્ષણ બોર્ડની સત્તાવાર વેબસાઈટ www.gseb.org પર કરવામાં આવી છે.

ગુજરાત બોર્ડ ધોરણ 10 ની મહત્વપૂર્ણ તારીખો

પરીક્ષા માટેના રજીસ્ટ્રેશન ફોર્મ ભરવા માટેની તારીખ સંભવિત રીતે ઓક્ટોબર મહિનામાં આવશે

2. પરીક્ષા માટેના અરજી ફોર્મ ભરવા માટેની તારીખ સંભવિત રીતે નવેમ્બર અને ડિસેમ્બર મહિનામાં આવશે.

3. ગુજરાત બોર્ડ ધોરણ 10 ની અંતિમ પરીક્ષા 14 થી 31 માર્ચ 2023 દરમિયાન શરૂ થશે.

4. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ ધોરણ 10 ની પરીક્ષાઓ માટે GSEB ટાઈમ ટેબલ 2023 ની સંભવિત તારીખ ફેબ્રુઆરીમાં બહાર પાડશે.

5. ગુજરાત બોર્ડ ધોરણ 10, 2023 ની હોલ ટિકિટ મેળવવાની સંભવિત તારીખ ફેબ્રુઆરી મહિનામાં આવશે.

6. GSEB SSC 2023 ના રીઝલ્ટની સંભવિત રીતે જૂન મહિનામાં શૈક્ષણિક બોર્ડ દ્વારા જાહેર કરવામાં આવશે.

દર વર્ષે, GSEB ગુજરાત રાજ્યના વિદ્યાર્થીઓ માટે GSEB HSC પરીક્ષાનું આયોજન કરે છે. જેમાં સૌપ્રથમ પરીક્ષા માટેના રજીસ્ટ્રેશન ફોર્મ ભરવા માટેની તારીખ GSEB દ્વારા સત્તાવાર વેબસાઈટ www.gseb.org પર જાહેરાત કરવામાં આવે છે. આ રજીસ્ટ્રેશન ફોર્મ ભરવા માટેની તારીખની જાહેરાત સંભવિત રીતે ઓક્ટોબર મહિનામાં કરવામાં આવશે. જે વિદ્યાર્થીઓએ ધોરણ 9 પૂર્ણ કર્યું છે તેઓ ગુજરાત બોર્ડ ધોરણ 10 માં માટે અરજી કરવા પાત્ર હોય છે. 

ગુજરાત શૈક્ષણિક બોર્ડ દ્વારા અરજી ફોર્મ ભરવા માટેની જાહેરાત કરવામાં આવે છે. આ અરજી ફોર્મ ભરવા માટેની તારીખની જાહેરાત સંભવિત રીતે નવેમ્બર અને ડિસેમ્બર મહિનામાં કરવામાં આવે છે. GSEB SSC 2023 ની પરીક્ષા આપતા વિદ્યાર્થીઓને શાળાના શિક્ષકો દ્વારા ઓનલાઈન અરજી ફોર્મ કેવી રીતે ભરવા તે અંગે માર્ગદર્શન આપવામાં આવે છે. જેથી વિદ્યાર્થીઓને અરજી ફોર્મ ભરવામાં કોઈ મુશ્કેલી ના પડે અને તેઓ સરળતાથી અરજી ફોર્મ ભરી શકે. ઓનલાઈન નોંધણી માટેની પદ્ધતિ નીચે દર્શાવેલ છે.

પહેલું પગલું: GSEB ની સત્તાવાર વેબસાઈટ www.gseb.org પર જાઓ.

બીજું પગલું: વેબસાઇટના મુખ્ય પેજ પર અલગ અલગ ટેબ હશે એમાં ઓનલાઈન વિદ્યાર્થી પરીક્ષા રજીસ્ટ્રેશન 10 (SSC) ટેબ પર ક્લિક કરો.

ત્રીજું પગલું: એકવાર નોંધણી ટેબ પર ક્લિક કર્યા પછી, એક લોગીન પેજ દેખાશે.

ચોથું પગલું: “શાળા અનુક્રમણિકા” અને “પાસવર્ડ” ફીલ્ડ ભરો. તેમજ “કેપ્ચા” ફીલ્ડ, પછી “લોગીન” બટન પર ક્લિક કરો. 

પાંચમું પગલું: એપ્લિકેશન ફોર્મ ભરો અને જરૂરી માહિતી ભરીને આગળ વધો.

છઠ્ઠું પગલું: એકવાર નોંધણી પ્રક્રિયા પૂર્ણ થઈ જાય, ત્યારબાદ ઉમેદવારો તેમના સંબંધિત શાળાના આચાર્ય પાસેથી તેમની નોંધણીની પુષ્ટિ કરાવી શકે છે.

સાતમું પગલું: નોંધણી પ્રક્રિયામાં છેલ્લું પગલું એ ચલણ પ્રાપ્ત કરવાનું અને ચલણના આધારે ચુકવણીની માહિતી દાખલ કરવાનું છે.

આઠમું પગલું: અરજી ફોર્મની સ્થિતિ તપાસવા માટે “એપ્લિકેશન સ્ટેટસ” પર ક્લિક કરો, એપ્લિકેશન સ્ટેટસની માહિતી મેળવવા માટે, એપ્લિકેશન નંબર” અને “પાસવર્ડ” જેવી વિગતો દાખલ કરીને “સબમિટ કરો” પર ક્લિક કરો.

ધોરણ 10 અને 12 ની બોર્ડની પરીક્ષાઓ 14 માર્ચ અને 31 માર્ચ, 2023 ની વચ્ચે લેવામાં આવશે જ્યારે શાળાની વાર્ષિક પરીક્ષાઓ 10 એપ્રિલ થી 21 એપ્રિલ, 2023 દરમિયાન સુનિશ્ચિત કરવામાં આવી છે. જે માટે વિષયવાર ટાઈમટેબલ ગુજરાત શિક્ષણ બોર્ડની સત્તાવાર વેબસાઈટ website.gseb.org પર મુકવામાં આવશે. ધોરણ 10 ગુજરાત બોર્ડ ટાઈમટેબલ સંબંધિત માહિતી મેળવવા માટે અમારા આર્ટિકલ સાથે જોડાયેલ રહો.

ગુજરાત બોર્ડ 2023 ધોરણ 10 ટાઈમ ટેબલ

ગુજરાત શૈક્ષણિક બોર્ડ પરીક્ષા ટાઈમ ટેબલ 2023 – સમગ્ર પરીક્ષાઓ

ગુજરાત શૈક્ષણિક બોર્ડ દ્વારા પરીક્ષાઓની તારીખ જાહેર કરવામાં આવી છે. ધોરણ 10 માટેની પરીક્ષાઓ માર્ચ, 2023 દરમિયાન યોજાઈ શકે છે. ગુજરાત શૈક્ષણિક બોર્ડ ધોરણ 10 ની પરીક્ષાઓ શૈક્ષણિક બોર્ડ દ્વારા જિલ્લાના નિયુક્ત પરીક્ષા સ્થળો પર લેવામાં આવે છે, અને પરીક્ષાઓ માટે પરીક્ષકો, સંસાધન સામગ્રી અને પ્રશ્નપત્રોની વ્યવસ્થા કરે છે.

GSEB દ્વારા SSC નું રિઝલ્ટ મે અથવા જૂન મહિનામાં બહાર પાડવામાં આવે છે. જેની સત્તાવાર જાણકારી ગુજરાત શૈક્ષણિક બોર્ડની સત્તાવાર વેબસાઈટ gseb.org પરથી મળી શકે છે. જે વિદ્યાર્થીઓ પ્રથમ પ્રયાસમાં તેમની પરીક્ષા પાસ કરી શકતા નથી તેઓ પૂરક પરીક્ષા માટે અરજી કરી શકે છે. પૂરક પરીક્ષા માટેની અરજી પરિણામ આવતાના પછીના મહિનાથી ચાલુ થાય છે. પૂરક પરીક્ષાઓ માટે અરજી કરવાની છેલ્લી સંભવિત તારીખ જુલાઈ, 2023 માં હોય છે. પૂરક પરીક્ષાઓ જુલાઈના અંતિમ સપ્તાહ અથવા ઓગસ્ટના પ્રથમ સપ્તાહમાં લેવામાં આવે તેવી શક્યતા છે. વિદ્યાર્થીઓએ સૂચનાઓનું કાળજીપૂર્વક પાલન કરવું જોઈએ જેથી તેઓ તે મુજબ પરીક્ષાની તૈયારી કરી શકે અને પરીક્ષામાં ઉચ્ચ ગુણ મેળવી શકે.

ગુજરાત બોર્ડ ધોરણ 10 2023 માટેની મહત્વપૂર્ણ તારીખો સંબંધિત વારંવાર પૂછાતા પ્રશ્નો

પ્રશ્ન 1:ગુજરાત બોર્ડ ધોરણ 10, 2023 ની પરીક્ષા ક્યારે લેવામાં આવશે?
જવાબ:ગુજરાત બોર્ડ ધોરણ 10, 2023 ની પરીક્ષા 14 થી 31 માર્ચ 2023 દરમિયાન લેવામાં આવશે.

પ્રશ્ન 2: SSC ગુજરાત બોર્ડની પરીક્ષાઓનું સંચાલન કરનાર સત્તા કોણ છે?
જવાબ:ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા SSC નું સંચાલન કરવામાં આવે છે.

પ્રશ્ન 3: ગુજરાત બોર્ડ ધોરણ 10, 2023 ની પરીક્ષાનું ટાઈમ ટેબલ કઈ વેબસાઈટ પર જોવા મળશે?
જવાબ:ગુજરાત બોર્ડ ધોરણ 10, 2023 ની પરીક્ષાનું ટાઈમ ટેબલ ગુજરાત શિક્ષણ બોર્ડની સત્તાવાર વેબસાઈટ www.gseb.org પર અને અમારી વેબસાઈટ www.embibe.com પર જોવા મળશે.

પ્રશ્ન 4: 2022-23 માં ગુજરાત બોર્ડના ધોરણ 10 માટે કેટલા વિદ્યાર્થીઓ પરીક્ષા આપશે?
જવાબ: 2022-23 ના સત્ર માટે અંદાજિત 8 થી 9 લાખ જેટલા વિદ્યાર્થીઓ ગુજરાત બોર્ડના ધોરણ 10 ની પરીક્ષા આપશે.

પ્રશ્ન 5: GSEB SSC ટાઈમ ટેબલ 2023 PDF કયા પ્રવાહ માટે ઉપલબ્ધ હશે?
જવાબ: GSEB SSC ટાઈમ ટેબલ 2023, સામાન્ય અને વ્યાવસાયિક પરીક્ષાઓ સહિતના તમામ પ્રવાહો માટે ઉપલબ્ધ રહેશે.

અમે આશા રાખીએ છીએ કે ગુજરાત બોર્ડ ધોરણ 10 માટે મહત્ત્વની તારીખો (Gujarat board class 10 Important dates) નું આ આર્ટિકલ તમને માહિતી પુરી પાડવામાં મદદ કરશે. જો તમે કોઈ જગ્યાએ અટવાઈ ગયા હોય, તો અમને જણાવો અને અમે ટૂંક સમયમાં તમારો સંપર્ક કરીશું. 

વધુ માહિતી માટે તમે અમારી વેબસાઈટ www.embibe.com ની મુલાકાત લઈ શકો છો.