தமிழ்நாடு சமச்சீர் கல்வி 10 ஆம் வகுப்பு பொதுத்தேர்வு (2023): தயாராகுவதற்கான குறிப்புகள்

10 ஆம் வகுப்பு பொதுத்தேர்வுக்கு தயாராகுவதற்கான  குறிப்புகள்: தமிழ்நாடு 10 ஆம் வகுப்பில் தேர்ச்சி பெறுவதற்கான உதவிக்குறிப்புகளைத் தேடுகிறீர்களா? சிறந்த சில உதவிக்குறிப்புகளைப் பெற நீங்கள் சரியான தளத்திற்கு வந்துள்ளீர்கள்.10 ஆம் வகுப்பு என்பது மாணவர்களின் கல்வி வாழ்க்கையில் ஒரு முக்கிய மைல்கல்லாகக் கருதப்படுகிறது என்பது அனைவரும் அறிந்ததே. பெரும்பாலான 10 ஆம் வகுப்பு மாணவர்கள் எதைப் படிக்க வேண்டும் என்பதை விட எப்படிப் படிப்பது என்பதில்தான் அக்கறை கொண்டுள்ளனர். இருப்பினும், ஒவ்வொரு மாணவரின் கற்றல் திறன்களுக்கும் பொருந்தக்கூடிய சரியான தயாரெடுப்பு உத்திகள் எதுவும் இல்லை என்பதே உண்மை. எனவே, மாணவர்கள் சமச்சீர் கல்வி 10ஆம் வகுப்பு தேர்வுக்கான கற்றல் உத்திகளை எவ்வாறு தொடங்க வேண்டும்?

பெரும்பாலான தமிழ்நாடு சமச்சீர் 10 ஆம் வகுப்பு மாணவர்கள் தேர்வுக்காக தயாராகுவதை கடினமாகக் கருதுகின்றனர், குறிப்பாக சரியான வழிகாட்டுதல் இல்லாமல். மாணவர்களுக்கு உதவ, கற்பித்தல் துறை வல்லுநர்களால் வடிவமைக்கப்பட்ட சில சிறந்த தமிழ்நாடு 10 ஆம் வகுப்பு பொதுத்தேர்வு குறிப்புகளை நாங்கள் வழங்கியுள்ளோம். மாணவர்கள் தங்கள் தமிழ்நாடு வகுப்பு 12 பொதுத்தேர்வுக்கு தயாராகுவதற்கு உதவும் பாடத்திட்டங்கள், மாதிரி தாள்கள் மற்றும் ஆய்வுத் திட்டங்களுக்கான இணைப்புகளையும் காணலாம்.

தமிழ்நாடு வாரியம் சமச்சீர் கல்வி 10 ஆம் வகுப்பு: மேலோட்டம் 

தமிழ்நாடு அரசுத் தேர்வுகள் இயக்ககத்தால் (DGE) நடத்தப்படும் 10 ஆம் வகுப்பு பொதுத்தேர்வுக்கு தேவையான அனைத்து விவரங்களும் கீழே உள்ள அட்டவணையில் காட்டப்பட்டுள்ளன.

இந்த அட்டவணை தேர்வின் மேலோட்டத்தை வழங்குகிறது, தேர்வு நடக்கும் காலம், பல்வேறு மொழி விருப்பங்கள் மற்றும் தமிழ்நாடு மாநில ஆணையத்தின் முக்கிய தேதிகள் போன்றவற்றை காட்டுகிறது.

தமிழ்நாடு சமச்சீர் கல்வி 10 ஆம் வகுப்பு பொதுத்தேர்வுக்கு தயாராகுவதற்கான  குறிப்புகள்:

சிறந்த மதிப்பெண்களை பெறுவதற்கு, தமிழ்நாடு வாரியம் சமச்சீர் கல்வி 10 ஆம் வகுப்புக்கான முழு பாடத்திட்டத்தையும் உள்ளடக்கும் வகையில் மாணவர்கள் பயனுள்ள கற்றல் திட்டத்தை உருவாக்க வேண்டும். இந்தக் கட்டுரையின் அடுத்த பிரிவுகளில் வழங்கப்படும் குறிப்புகளைப் பின்பற்றுவதன் மூலம் மாணவர்கள் தங்கள் கற்றல் திறனை மேம்படுத்தி, சிறந்த முடிவுகளைப் பெறலாம்.

தமிழ்நாடு வாரியம் சமச்சீர் கல்வி வகுப்பு 12 பொதுத்தேர்வுக்கு மாணவர்கள் பின்பற்றக்கூடிய மிக முக்கியமான பாட வாரியான கற்றல் குறிப்புகள் பின்வருமாறு:

தமிழ்நாடு சமச்சீர் கல்வி வகுப்பு 10 கணித குறிப்புகள்:

• சமச்சீர் பாடத்திட்டத்தை நன்றாக கற்றுக்கொள்ளுங்கள்: ஒரு பாடத்தை நன்றாக கற்க அதன் பாடத்திட்டத்தில் முழுமையாக தேர்ச்சியடையுங்கள். அத்தியாயங்களின் எண்ணிக்கை, அதில் அடங்கியிருக்கும் தலைப்புகள், மதிப்பெண் பங்கீட்டு முறை, ஒவ்வொரு தலைப்புகளின் முக்கியத்துவம் போன்றவற்றை ஆராயுங்கள்.
• கணித சூத்திரங்களை பயிற்சி செய்யுங்கள்: மாணவர்கள் கணித பாடத்தில் நல்ல மதிப்பெண்கள் பெறுவதற்கு, சூத்திரங்கள் மிக முக்கியமான காரணியாக அமைகிறது. எனவே, இந்த கணித சூத்திரங்களை ஒரு கையேட்டில் எழுதி அதை தினமும் கற்பது நல்ல மதிப்பெண்களை பெறுவதற்கு வழி வகுக்கும்.
• கேள்விகளுக்கு தீர்வுக் காணும் வழிமுறையை புரிந்துக்கொள்ளுங்கள்: மாணவர்கள் கணுக்குகளை தாமாகவே தீர்க்க வேண்டும். கணுக்குகளை, உதவி ஏதும் பெறாமல் தன் சொந்த முயற்சியில் தீர்க்க மாணவர்கள் தயாராக வேண்டும். இவ்வாறு கணுக்களை தீர்க்க முடியவில்லை என்றால், விடையை பெறுவதற்கான வழிமுறையை கற்க வேண்டும்.
• விடைகளை மனப்பாடம் செய்தல் தவறாகும்: கணித பாடத்தில் நல்ல மதிப்பெண்கள் பெற்று தேர்ச்சியடைய, மனப்பாடம் செய்தல் ஒரு சிறந்த வழியாக அமையாது. கணுக்குகளை மனப்பாடம் செய்யாமல் அவற்றை எவ்வாறு தீர்ப்பது என்பதை கற்றுக்கொள்ள வேண்டும். மனப்பாடம் செய்தல் கருத்துகளை புரிந்துகொள்ளும் வழிமுறையை தடுக்கும். எனவே மனப்பாடம் செய்தலை தவிர்த்திடுங்கள்.

தமிழ்நாடு சமச்சீர் கல்வி வகுப்பு 10 அறிவியல் குறிப்புகள்:

தமிழ்நாடு வாரியம் சமச்சீர் கல்வி வகுப்பு 10 அறிவியல், இயற்பியல், வேதியியல் மற்றும் உயிரியல் என்று மூன்று பாடங்களை உள்ளடக்கியதாகும். இப்பாடங்களுக்கான பாட வாரியான குறிப்புகள் கீழே வழங்கப்பட்டுள்ளன.

சமச்சீர் கல்வி இயற்பியல்:

• இயற்பியலில் இரண்டு பகுதிகள் உள்ளன, ஒன்று கருத்தியல் பகுதி மற்றொன்று கணக்குகள் பகுதி. கருத்தியல் பகுதியை மாணவர்கள் நன்கு கற்று புரிந்துக்கொள்ளுதல் வேண்டும்.
• சூத்திரங்கள் அடிப்படையிலான கேள்விகளை நன்கு பயிற்சி செய்தல் வேண்டும். பொதுத்தேர்வுகளில் கேட்கப்படும் பெரும்பாலான கேள்விகள் இக்கேள்விகளாகும்.
• ஒளியியல் மற்றும் மின்னோட்டவியல் போன்ற அத்தியாயங்கள் மிக முக்கியமானவையாகும்.
• சமன்பாடுகளை வருவித்து தினமும் பயிற்சிச் செய்யுங்கள்.

சமச்சீர் கல்வி வேதியியல்:

• வேதியல் சமன்பாடுகளை சமன்ச் செய்யும் வழிமுறைகளை நன்றாக பயிற்சி செய்யுங்கள். இவை பொதுத்தேர்வுகளில் கேட்கப்படும் முக்கியமான பகுதியாகும்.
• தனிம ஆவர்த்தன அட்டவணை மிக முக்கியமானதொன்றாகும். அதை மாணவர்கள் நன்கு கற்றுக்கொள்ள வேண்டும்.
• தனிமங்களின் பொதுப் பெயர்கள், வேதி சூத்திரங்கள், வேதிப் பெயர்கள் மற்றும் அவற்றின் பயன்பாடுகளை நன்கு மனப்பாடம் செய்யுங்கள்.
• முக்கியமான வேதி வினைகள் மற்றும் அவற்றை மாற்றும் செயல்முறையை நன்கு பயிற்சி செய்யுங்கள்.

சமச்சீர் கல்வி உயிரியல்:

• உயிரியலில் மிக முக்கியமான ஒன்று படங்கள் ஆகும். அவற்றை நன்கு வரைந்து கற்றுக்கொள்ள வேண்டும்.
• முக்கியமான வரையறைகள் மற்றும் செயல்முறைகளை நன்கு கற்றிடுங்கள்.
• அனிச்சை செயல், மனித இனப்பெருக்க மண்டலம், மலரின் பகுதிகள், மனித மூளை மற்றும் சுவாச மண்டலம் போன்ற முக்கியமான தலைப்புகளை நன்கு கற்றிடுங்கள்.

தமிழ்நாடு சமச்சீர் கல்வி வகுப்பு 10 ஆங்கிலம் குறிப்புகள்:

• அத்தியாயங்களை விரிவாகப் படித்து, கேள்விக்கான பதில்களை நன்றாகக் கற்றுக்கொள்ளுங்கள்.
• இலக்கணத்திற்கு பயிற்சி தேவை. இதற்கு முடிந்தவரை பல கேள்விகளை பயிற்சி செய்ய வேண்டும்.
• ஆங்கிலம் கருத்தியல் அம்சங்களை மட்டுமே உள்ளடக்கியிருப்பதால், இப்பகுதியை வேகமாக கற்க முயலுங்கள். அத்தியாயங்களைப் புரிந்துகொண்டு குறிப்புகளைத் தயாரிக்கவும்.
• விடைத்தாள் திருத்துபவருக்கு புரியும் வகையில் பதில்களை எழுதவும். விடைகள் தெளிவாக இருத்தல் வேண்டும். ஒவ்வொரு நீண்ட பதிலும் ஒரு அறிமுகம், முக்கிய பகுதி மற்றும் முடிவு என பிரிக்கப்பட வேண்டும்.
• 10 ஆம் வகுப்பு பொதுத்தேர்வு வினாத்தாள்களின் அமைப்பை பகுப்பாய்வு செய்ய  முந்தைய ஆண்டு வினாத்தாள்களைப் பார்க்கவும். இந்த வினாத்தாள்களை பயிற்சி செய்வதன் மூலம் உங்கள் வேகத்தை மேம்படுத்திக் கொள்ளலாம் 

தமிழ்நாடு சமச்சீர் கல்வி வகுப்பு 10 தமிழ்ப்பாட குறிப்புகள்:

• அத்தியாயங்களை முழுமையாகப் படித்து, ஆசிரியர்கள் பரிந்துரைக்கின்ற  கேள்விகள்/பதில்களைக் கற்றுக்கொள்ளுங்கள்.
• இலக்கணத்திற்கு, முடிந்தவரை பல கேள்விகளைப் பயிற்சி செய்யுங்கள். மாணவர்கள் தான் செய்யும் தவறுகளை கண்டறிந்து கற்றலை மேம்படுத்திக்கொள்ள உதவும். சுய மதிப்பீட்டிற்கான பலவுள் தெரிவு கேள்விகளைப் பயிற்சி செய்யவும்.
• முந்தைய ஆண்டு வினாத்தாள்களை பயிற்சி செய்வதன் மூலம், கேள்விகள் கேட்கப்படும் போக்கினை பகுப்பாய்வு செய்துக்கொள்ளலாம். முக்கியமான தலைப்புகளை கண்டறிந்து அவற்றில் நன்கு தேர்ச்சி பெறவும்.

தமிழ்நாடு சமச்சீர் கல்வி வகுப்பு 10 குறிப்புகள் பற்றிய அடிக்கடி கேட்கப்படும் கேள்விகள்

கே.1: 2023ல் தமிழ்நாடு வாரிய வகுப்பு 10 தேர்வுகளுக்கு நான் எவ்வாறு தயாராவது?

ப: நீங்கள் தமிழ்நாடு வாரியம் 10 ஆம் வகுப்பு தேர்வுகளுக்கு தயாராகுவதற்கு, முதலில் ஒரு கற்றல் அட்டவணையை உருவாக்குவது முக்கியம்.அதை நீங்கள் முழுமையாக பின்பற்ற வேண்டும். கருத்துகளை முழுமையாகக் கற்கத் தொடங்குங்கள், மாதிரித் தாள்களைத் பயிற்சி செய்து, தேர்வில் சிறப்பாகச் செயல்பட நேர மேலாண்மை உத்திகளைக் கற்றுக் கொள்ளுங்கள்.

கே.2: தமிழ்நாடு 10 ஆம் வகுப்பு சமச்சீர் பாடத்திட்டத்தை ஒரு மாதத்திற்குள் படிக்க முடியுமா?

ப: தமிழ்நாடு வாரியத்தின் 10 ஆம் வகுப்பு பாடத்திட்டம் மிகவும் விரிவானது. இருப்பினும், ஒவ்வொரு பாட வாரியான குறிப்புகளை பின்பற்றி தேர்வுகளில் நல்ல மதிப்பெண்கள் பெற இயலும்.

கே.3: தமிழ்நாடு சமச்சீர் கல்வி  வகுப்பு 10 பொதுத்தேர்வில் அதிக மதிப்பெண்களைப் பெறுவதற்கான சில வழிகள் யாவை?

ப: 10 ஆம் வகுப்பு பொதுத்தேர்வில் முழு மதிப்பெண்களைப் பெறுவதற்கு எளிய வழி எதுவும் இல்லை. தேர்வுக்குத் தயாராவதற்கான சிறந்த வழி, உங்கள் கற்றல் திட்டத்தை நன்றாக செயல்படுத்த வேண்டும். அதற்கு, முடிந்தவரை பல வினாத்தாள்களைப் பயிற்சி செய்யவும்.

கே.4: 90 சதவீதம் அல்லது அதற்கு மேல் தேர்ச்சி பெறுவதற்கு முந்தைய ஆண்டு தாள்கள் மற்றும் மாதிரித் தேர்வுகளை பயிற்சி செய்வது அவசியமா?

ப: ஆம், தமிழ்நாடு வாரியம் 10 ஆம் வகுப்பு பொதுத்தேர்வுகளில் நல்ல சதவீதத்தை பெறுவதற்கு முந்தைய ஆண்டு தாள்களைத் தீர்ப்பது மற்றும் பயிற்சித் தேர்வுகளை எடுப்பது என்பது  அவசியமான ஒன்றாகும். நீங்கள் பாடத்திட்டத்தை கற்றவுடன், ஒவ்வொரு பாடத்திலும் நீங்கள் எவ்வளவு நேரம் செலவிடுகிறீர்கள் என்பதைக் கண்காணிக்க மாதிரித் தேர்வுகளைப் பயிற்சி செய்யத் தொடங்குங்கள்.

கே.5: தமிழ்நாடு 10 ஆம் வகுப்பு  வாரியத் தேர்வுகளை எந்த இயக்ககம் நடத்துகிறது?

ப: 10 ஆம் வகுப்பு அல்லது SSLC பொதுத் தேர்வுகளை தமிழ்நாடு அரசுத் தேர்வுகள் இயக்ககம் (DGE) நடத்துகிறது.